煮‧陳皮紅豆沙 LE CREUSET 22CM ROUND

我尋晚睇完GIGI姐既吾淑吾食，睇到佢煲紅豆沙好似好容易，即時老點一齊睇緊電視既DOBBY落百佳買紅豆，佢轉個身就落左去，我用9秒9浸了三片陳皮（實在太多，下次用一片好了）；然後再9秒9的上網看看怎樣煲，一看就打住了，原來要浸12個鐘？但我又記得早上煲粥的時候，我也沒浸米呀，同埋我有偉大的LE CREUSET呢，應該可以頂得住吧。

我用煲粥的方法，即時用一碗紅豆（一個米量杯）加上10倍的水，如果家沒有量杯，就用一隻碗盛一碗紅豆，加10碗水煲，我就是甚麼都一齊倒入個LE CREUSET 22CM ROUND煲的，然後開大火等水滾，我是有不少攪攪的，因為我好怕痴底，10分鐘後轉中火，然後自己試下到底係中火定細火個煲唔噴水出黎，就隔一陣即係10幾分鐘再入去攪下佢，煲左45分鐘後，我有熄火然後用一個勺壓爛D紅豆，我覺得咁樣會快一D，係，我覺得；然後焗左30分鐘後，再煲45分鐘，用左LE CREUSET一段時間，無輪煲咩都好，我覺得焗真係好重要的，因為只有焗過的食物才會出味。

就這様接近11點，加埋幾粒冰糖就可以了，我就煲好了生平第一窩紅豆沙了，起沙唔起沙我都唔係好識，DOBBY話OK就可以了。其實我本人不愛甜吃，我做的甜吃都是給人吃的多。

煮‧蒸沙薑雞翼 LC 22CM BUFFET

我會煮沙薑雞翼，又係在PLANNING以外的，話說我買錯了雞全翼，同時又貪得意買了李錦記的沙薑醬一包，加上LC 22CM BUFFET的無水蒸方法，所以就成了這個餸。

我用了5隻雞全翼，全解凍後，一開三，其實好簡單，用廚剪剪開皮同肉，然後一扭，個骨較位就會斷，用李錦記的沙薑醬醃三個鐘，我有在 BUFFET加上娃娃菜，後來我覺得唔加都可以，因為雞肉會出水，我蒸完好似水浸咁，但當然D菜好油但好好味。

以中火蒸3分鐘後轉細火蒸10分鐘，我上網睇大家只蒸10分鐘，但我真係好怕D肉唔熟，所以蒸多3分鐘，再焗5分鐘，咁就食得，方便又好味。

煮‧粟米魚柳

粟米魚柳是一個大人小朋友都愛的餸，但繼上次炸完咕嚕肉KO左我一個勺後，我決定等我休息一下才炸物。今次想到煮粟米魚柳，是因為我上星期三行左一轉AEON，佢地有每周三減價，今次其中一個ITEM就係魚柳，原價每條15蚊的，賣10蚊，我以為自己執到寶就買左。原來其實大昌行賣魚柳都只係17.9有兩條，非常抵食，但係咩魚我就無留意了。

材料：
魚柳兩條（切塊）用SALT、麻油、雞粉、一隻蛋王醃一醃
準備一罐CREAM CORN STYLE
然後用多D油半煎炸的處理魚塊，每邊3分鐘已經熟了
先盛起備用
 再煮CREAM CORN，加50ML水，然後調味，煮熱後舖上面就可以了，非常方便

煮‧土豆絲

我第一次食土豆絲是毛小姐煮的，毛小姐是湖南人，很吃得SPICY，有次大食會她準備了土豆絲，其實土豆絲是薯仔，是我的最愛，堂時即時問毛小姐點煮，結果拖左三年，哈哈，終於係我家廚房教了我。

但要煮土豆絲要非常有耐性，我見毛小姐切3個薯仔要切左大半個鐘，首先要切片，片的意思是能透光的薄，然後再切絲，比牙纖粗小小，哈哈，還要用水浸著。

毛小姐吩咐我去買5蚊豬肉，然後番黎切絲，她說是令土豆炒起上來更香，結果在超市買不到5蚊豬肉，買了約10蚊一盒的，她說太多了，但我照用，叫我切絲我切了片，太難了。

其實切就非常考工夫，煮起上來很容易。

材料：
3隻薯仔（切絲）用水浸著
5蚊豬肉（切絲）用生粉、醬油醃一醃
數隻紅椒（切絲）或剪粒

煮
先炒香豬肉絲（3分鐘）
再落薯仔絲（5分鐘）加紅椒絲及1湯匙醬油再炒5分鐘
就攪掂。

惹味又好下飯呢，亦可以加三色椒一起炒，下次會試一試的。

煮‧洋蔥牛仔骨

小時候出街食飯，牛仔骨是必點的，是弟弟的最愛，回家媽也煮，但不知從甚麼時候開始，已經很小吃。早兩個月老豆經過我屋企，買左FIRST CHOICE的一盒牛仔骨上來，帶一個紙盒的，非常阻住個雪櫃的位，上星期五，想不到食甚麼，我打開雪櫃找一找，竟然就比我發現佢，還突然想起了買錯的一樽醃肉汁，這樣就做了這個洋蔥牛仔骨。

材料：
牛仔骨一盒
洋蔥一個
可樂一罐
醃肉汁半支

煮法：
將急凍牛仔骨解凍，一條骨開三塊
用刀背細細力打下塊肉
然後用可樂浸下，我上網睇話可以令到塊肉鬆D，我唔知真係有無用，但我還是做了，因為我有大量可樂。
然後用上圖的醃肉汁醃1小時或30MINS
炒香洋蔥，5MINS
然後推到獲邊，中間煎肉，用小火好了，每邊3分鐘
煎好後再連洋蔥一起炒，再加一點醃肉汁
攪掂。

其實這個方法是非常好味的，但首先大家要愛這種醃肉汁，這隻醃肉汁我在AEON買約20蚊有找，其實阿信屋都有另一隻，但我未試過，大家可以一試。

原來我很愛煮_LE CREUSET

剛過去的星期五、六、日我都有煮飯，因為星期五拿了半天假，原本去買餸煮羊腩煲，結果沒有羊腩賣，就決定回家才想想買甚麼。由2013年開始，我斷斷續續的都有煮飯，主要是搬出來住，新居的廚房與全屋比例不成正比，大到有點驚人（我覺得），有可能與我的房間差不多大小。獨居，時間多，朋友多，派對多，我家每個周六都有朋友來食飯，聖誕新年更加多，我好客，所以不停睇食譜，由抄人家到自己加加改改，總知就不斷不斷煮，有失敗的有成功的有合格的更加有唔熟的，但朋友都愛來愛食，我就會不停煮，煮得多自然會有所改善。

自從去年11月買了第一個le creuset後，雖然不是喪買，但連埋朋友送的都有4個了，我唔敢敢講le creuset是唯一好用的鍋子，佢痴底的可能性的確很高，因為我沒有買黑裡的，所以煎炒我還是用易潔獲的，但在冬天裏，le creuset的好處是保溫，這個非常重要，我家的電磁爐只有兩個爐頭，要煮好全部熱熱的上桌，幾乎是沒有可能，但有了le creuset，就變成了有可能。

之前炒糯米飯，我都只是用易潔獲炒，但一炒好就放入le creuset鍋中裏上桌，只要不開蓋，可以保温起碼半小時，我可以煮其他的餸了，當然大家會話可以買保温版等等不同的方法，但so far，我而家覺得le creuset煲子還是很好用的。

我的煲子有20cm花花，心理作用覺得這個是最難洗的；22cm round 這個是最好用的，若果是小人食飯，我會用來煲湯、煲仔飯、炆餸、煲粥、煲糖水，非常好用；還有22cmBUFFET，這個用來蒸任何東西都很好用，簡單的煎食物我都會用它；最後是16cm round，這個機乎是公仔面專用，其他用途還有待發掘，呀，還用來做了一次鎮江排骨。

我一直都想繼續加添新成員，見hsbc有得換26cm，正在想就下架，再上架時已經加價，又在想想想，26cm可以煲湯，only 煲湯，所以我真的只是想還是想，當然有朋友送的話，我是不介意收的！哈哈！第二個想要的是24CM 日本版risotto，原意是我希望做鍋物如泡菜煲時，大家容易D夾食物，但大家都說不需要，所以在日本OUTLET見到18XXXYEN時，我還是心大心細，最後更是空手而回。我對顏色不執著，所以沒有用太多的錢去買PINK SATIN BLUE等COLOR， 若果有一天遇上了合理價錢，我還是會考慮的。

煮．生炒糯米飯

我煮過三次糯米飯，兩次生炒，一次先煮後攪拌，當然是生炒的較為好味，但第一次生炒時由於沒有放乾糯米，未炒一落穫就已經一pat pat，所以好嘔心。第二次是成功的。

如果想星期日晚炒糯米飯，星期六臨訓前就浸糯米，浸多少就和平時煮飯一樣，一杯米約160ml可以煮出兩碗，但個人認為炒得咁辛苦，煮多少少一次個較為化算，所以我會浸三杯。

浸完之後，第二朝一起身，倒左d米水，然後在一個盤到放廚房紙，再倒d糯米上去，目的是吸乾水，我仲誇張，我老公用個風筒幫幫佢，到我晚上炒既時候，粒粒米都係乾到8成的，然後就可以免浸的意大利米一樣。呢個吹乾過程可能要5,6個鐘。

炒反而無咩技巧，首先將臘腸、潤腸、冬菇(浸軟)、蝦米 (浸軟)等等，所有野切粒，切到幾細就幾細，臘腸、潤腸我是剪的。然後開中火炒香，前後炒10分鐘，就會發現香氣充滿成個廚房。

預備同米同等份量的雞湯及浸菇水及瑤柱水(如有) ，即以3杯米約480ML為例，就預備約500ML的湯，其實最後用多少是沒定的，只要炒熟糯米就可以，小小咁落湯落米到，不定炒，最好用平底的穫，令米多D AREA受熱，咁就快D熟。

前後炒20分鐘就然該熟了，然後加埋之前炒香左的臘腸、潤腸、冬菇(浸軟)、蝦米 (浸軟)，再加兩湯匙醬油（萬字），可用其他再炒多5分鐘，就可以上枱。記得加埋花生，才香。

雖然累，但非常滿足。

lc 無水蒸魚

這是冬至做節買的魚，是swimming的，同事笑我，係魚都識，但我咁大個人，第一次買一條未死既魚(無辦法，因為唔係個個都食魚，煮魚機會好小)。

我唸我用左2、3蚊蔥加大舊薑舖晒成個LC  Buffet Casserole 22CM, 然後係條魚上面加油，魚肚入面又放薑，蒸幾耐個個說法有異，我自己是這樣想的，首先問問魚販要蒸多久，例如他說8分鐘，我先用中火蒸2分鍾至出煙，一有煙收到小火，蒸6分鐘，然後焗3分鍾才下SOURCE, 過火可能無咁好食，但一定要熟就好了

還好我這個是22CM, 雖然細，條魚不能大，否則就大件事了，多多薑蔥都不夠，但亦因為咁, 我有好多魚都不能買。

雪耳雞粒湯_by吾淑吾食_雞蓉雪耳羹

睇TVB既《吾淑吾食》，見雞蓉雪耳羹，好似好易就跟住試下，哈哈我係睇左好多次然後CAP個食譜的，但由於我覺得跟足買料好煩，我自己就係超市買左一包4個既雪耳，只用了兩個，發起上黎都好大了，而雞蓉就更簡單，我去超市買了一pack雞絲切粒，沒心機切蓉麻，然後就放了1litter既雞湯，(老實講我個人覺得唔太健康，但嗰晚飲的都是朋友，如果有小朋友或者老人家，要唸唸自己煲個上湯了)，先放雪耳煲10分鐘，然後雞粒，肉變白色後再落蛋白。食譜話要6隻蛋白，我覺得太浪費了，我只放了3隻，如果煮飯時要煎野，可用蛋王查上面，好似我嗰日都煎芋餅，就可以查上去，更白，(這是朋友教我的)。最後落埋馬蹄粉就可以了。

但好老實講, 朋友說唔係好似羹，我估我落得太小馬蹄粉水，不過味道都不錯呢！用新的橙花花煲上，好靚呀。

 （以上cap圖，資料來源tvb吾淑吾食，大家可以轉載個blog或圖，但請註明tvb，費事小小事比人告啦）

快捷春卷‧光波爐

我以前成日覺得春卷好複雜，因為要炸，但自從有左光波爐就可以好快手整好。

首先預備材料，我個人覺得用咩料同埋落幾多都係好隨意，好似我自己鍾意冬菇同甘筍，其實仲可以加粟米，但由於春卷皮無味，所以醃料最好醃耐d。

料：
已攪豬肉一盒，約200g、甘筍切粒、冬菇先浸林6小時切粒，將所有料用日本醬油、蠔油、麻油、糖、雞料 醃1個鍾。然後炒熟（煮多ｄ仲可以當餸食tim）

打開春卷皮後就要快手了，因為春卷皮會干，干左就容易烈開，一係快手包，一係就用濕毛巾蓋住。因為我一次過整晒，所以就沒有存貨既問題了。

卷好後用生粉水貼好開口，就可以準備光波。

我用220度預熱個光波爐，然後用高架放滿春卷，以180度光波一面8分鐘後，反轉，再以200度光波5分鐘，即成，脆卜卜架！

靚靚釀雞翼

話說我真係好鍾意食雞翼，當然我都唔係叻人，李錦記所有可以整雞翼既汁我都幾乎用了，所以上星期就攪攪新意思，學人整釀雞翼。老實講，幫豬手去骨我就整得多，第一次幫雞翼去骨都用我唔少時間，我去左8隻雞翼就差唔多一個鐘了，但可以釀野入去，的確又幾靚同好食。

料：雞中翼8隻（用剪刀將雞中翼兩條骨中間既軟骨cut斷，然後再慢慢沿骨cut開肉同骨小小，之後一拉其實就應該可以了，但當然都有唔成功既時候），再加上日本醬油、日本料理酒、粟粉、雞粉等等放1個鍾，咁就好入味了。
釀入：我用西芹同紅蘿蔔，切條形，西芹一定要去根，然後用水1分鐘乾水備用。然後再加入已去骨的雞中翼內。

煲：lc 22cmBuffet Casserole

5度火燒熱煲，然後再用2度火兩慢慢煑，雞翼係會收縮的，兩邊total煎5分鐘，然後我加了小小雞湯，再煲2mins，焗10mins，即成。但22cmBuffet Casserole max可煎8隻，睇來又要買一個更大的了

好味快速煲仔飯_滑雞冬菇煲仔飯

我用好短既時間買左3個LC煲，一個好重要既原因係因為可以原煲上台，方便又洗少D野，同埋可以煮煲仔飯。煮過煲仔飯，你就覺得這是非常方便的晚餐，快、靚、正！

煮具：
LE CREUSET 22 ROUND

料：
10粒冬菇（浸起碼6個鐘才可以MAKE SURE全林了，然後一粒冬菇一開三，留番啲水用來煲飯更香。）
去骨雞肶（去皮去肥膏，然後切粒，點解係粒，因為我怕死怕唔熟。用日本醬油、日本料理酒加上雞粉，醃左2個鐘）

煮法：
首先浸米30分鐘，因為我用MIXED RICE，所以我浸耐小小，白米我唸大約20分鐘就可以了。
2嘜米夠4個人食了，落水約300ML，我個嘜約320ML米，落小DD就剛好。
開中火，我用電磁爐5度煲到水滾，記得要攪攪攪，否則洗死你。
加蓋2度(小火)3分鐘，打開就會見到收水了。
將冬菇加雞肶粒平放，開5度火(中火)2分鐘
加蓋然後變10分鐘2度火(小火)
離火焗20分鐘
食得

我食前還煲了一煲D豉油，好味道，滑雞是堅滑的
其實你可以會覺得這個好複雜，又中又小，朋友說飯煲都可以，不仿一試。

煮‧南乳燘豬手‧超好味

託朋友以hsbc轉的le creuset 22cm round終於到手了，還要是我心儀的紅色，haha，我只是新手入門，當然希望要一個紅色的signature color。

知道貨到手了，當然要試試啦，心想要燘東西，就上網search有甚麼可以燘的，我的入廚時間還沒有「年」資計的，燘東東最叻亦是唯一最愛薯仔燘雞翼。今年跳班挑戰南乳冬菇枝竹燘豬手，因為我有急凍咸豬手，哈哈，也想了一會兒到底會不會燘出來似德國咸豬手咁硬，又覺得失怕了也無有怕，唔試點知得唔得呢！哈哈，好彩一試，超級好味啦。

咸豬手就是我一直用來整薰蹄的急凍威豬手，當然要先出水，抱住用得唔好浪費既原則，我先用來煲雞腳豬骨湯，嘩嘩嘩骨膠原到不得了，好味道！

然後就用整薰蹄的煮法，將煲了約1小時的急凍威豬手去骨，先放在冰水一陣，只要中間一刀，然後放入冰水內去骨，很容易就去了一條骨出來，骨再放入湯內再煲，其實燘豬手都不要定要起骨，但我又怎會懂得砌開舊骨呢，還是起了出來好，將豬手的皮連肉切小份，然後加入蓮偶、枝竹（浸水）、冬菇（浸水），大量南乳（我用了5專）、兩粒小粒冰糖、一至2茶匙雞粉，先炒一個炒，加水+浸冬菇水至約材料的高度，不用太多水，因為le creuset的鎖水功能超級強呢。

係咁炒係咁炒，記住南乳要先用滾水開一開，炒5分鐘吧，然後加水，我用電池爐，先用5度火，然後在水滾後就用2度或3度火長滾45分鐘，然後每3個字攪一攪，其實是我自己最怕痴底呢。先45分鐘或60分鐘，然後15分鐘焗，然後再45分鐘，哈哈，大成功，超級好味道啦！

香港的教育_幼稚園開始

話說近年朋友要生仔的都生了，朋友間第一個孩子讀書無咁多人關心，但當幾個小朋友差唔多年紀，媽媽們就會討論了。這兩個月，我看了很多K1入學的題卷，要問孩子的長短處，爸媽教育理念，點解選擇這家學校等，我都幫手作過唔少。作，是作的，難道我答，貪你有一條龍囉，貪你係名校，貪你夠出名，這些全部都不能答。唯有上網睇幼稚園的WEBSITE，連埋人家校訓一齊作，我仲記得有一間係ONE FOR ALL ALL FOR ONE中文譯，人人為我 我為人人，我睇完都笑了。

我們這班朋友都教過書，在香港長大，都是九年免費教育的受惠者，但我從小就討厭中文（因為媽媽唔迫，筆劃又多，我而家識既中文，都係睇小說學番黎的），同埋讀書年代開始教琴，見到唔少讀國際學校既小朋友都比較開心，所以我立定決心生仔就要讀國際學校，最多我比心機搵錢就是了。但原來現在的媽媽們要想很多，亦不是有錢就有書讀，2歲孩子不停面試，我聽到都非常辛苦。

其實家長們，不如先想清楚這是你們還是孩子的人生？讀名校能為孩子帶來甚麼？你有沒有企圖或意圖希望孩子做醫生或律師？

我沒有孩子，但我是一個目標為本的人，我不會亦不希望孩子做醫生或律師；要讀dbs或dgs學得快人一步並不理想，因為太辛苦，做甚麼職業，甚至讀甚麼大學甚麼科目，都是他自己的選擇。家長們，把孩子送到中學，就已經是極限了，不如想想孩子的人生需要甚麼。

孩子讀書我覺得1.開心，2.打好語言基礎，3.識得用個腦去讀書，4.唔好煩到我。我成日都覺得小時候讀書讀歷史沒有用，因為有沒有秦始皇我日子都沒有改變；讀西史好小小，因為我學多兩隻英文；出來做野更加印證我既唸法，教書的確咩都唔洗識；反而出黎做而家呢行，多睇多學就夠用，但只有語言好在商業社會中永遠重要。我希望孩子能說出流利的英文，所以我希望比孩子在英文環境下長大；孩子絕對可以不在香港讀大學，因為我從沒有想過孩子只在香港這麼小的地方過一輩子。

我快樂．因為我沒有甚麼不快樂

近年我是一個快樂的人，但從前不。

認識我歷史久的朋友，說我走cool girl路線，朋友中不吵不嚷，老是說我不快樂，媽媽從中學開始也叫我多笑點吧，你的樣子很可怕；近年才認識的同事朋友，說我傻得可怕，每天都傻笑傻叫，還有經常都提醒別人快樂，所以我是一個很快樂的人。為可有這個改變？其實我也沒有刻意去考究，但近日聽朋友說了一些話，我也反思起來。

有一個朋友說，「你快樂，因為你沒有壓力，沒有心煩的事。」其實這麼大的一個人，又怎會沒有壓力呢？我想，是因為我走過真正的不快樂，才體現了現在的快樂。

大約10年前還在讀大學的我，經歷了我覺得暫時是我人生最黑暗的日子，甚麼事就別說了，反正過去了。那時候會同朋友哭訴，但日子久了，說也沒有好說的，就會收埋自己，反正我就是消失了數年。再見朋友的時候，我己經轉了行，進入了需要social的行業，人也開朗了，朋友覺得我現在甚麼也說，甚麼也會講，尤其是自己的私事，所以我是一個不會收埋的人。其實，我不是的，反正能說的都是不甚麼私事家事，不會說的普通朋友也不會知道，大家談談工作、談談八卦野也就好了。我學懂了，沒有人喜歡苦著臉的人，只有笑口常開才能交到更多的朋友，亦只有多朋友，才能活得精彩，只有生活精彩，才是快樂的其中一個源頭。

其實在最不快樂的時候，我會看很多self-help的書，其實都是告訴你好事壞事都要面對，只要think positive，可能會有不同的效果。我而家令自己快樂的方法，其實就是活在自己的世界裏，不看政治，不看新聞（只看大題），不行街（沒有物慾就不會因為沒錢買而不快樂），可能你會說我是被動，但其實懂得知足，就已經減少了很多很多不快樂了。

其實我有一樣事是做得好好的，我從不羨慕或妒忌別人，我的家不是富裕人家，但從不會亦不認同說，如果我的爸爸是李嘉誠就好了，因為我忠於我自己，無論我的爸爸媽媽愛我否，我也是我，if i were a bird, 從來不在我的幻想中，不要想沒有可能的事情，實實在在的活在當下，就是令自己快樂的方法之一。

昨日聽了林志穎的一首歌「飛」，說：我的人生要自己掌握，我認同。

激好看的《爸爸去哪兒》

首先我要利申，我絕對不好綜合節目，香港的不用說，近日的最佳女主角，我只看了兩集gigi 及千嬅；韓國人氣大熱的我們結婚了，也不是我杯茶。但我被內地的《爸爸去哪兒》吸引了，我當然明白這不是一個自創的節目，或者韓國那個拍得好多了，反而是參家的家庭組別吸引了我，我不是韓迷，不會認識韓國明星呢，所以沒有動力去看。

林志穎是我的回憶吧，小時候愛的偶像，好像也為他要服兵役而哭了出來，爸爸到現在也取笑我，那時候時興yes card，當然我現在沒有存貨了，但的確在沒有太多零用錢的年代，我用了很大的一部份去抽這個，小志與charlie是最愛，他入伍後到現在，也沒有了迷上偶像，近年可能只有一個張孝全吧！

轉眼近20年過去了，不管他的樣子是否還是一樣的，我們都長大了，他的兒子小kimi好可愛，我一口氣追看了3集《爸爸去哪兒》，還頂著眼訓看了他的《超級演說家》，我感覺上他與謝霆鋒何期相似，唱而優則演，演而優則實現其他夢想。他說的有夢想是沒有用的，實現夢想才對，dreams come true，dreams to reality！

好像說得太遠了，說回《爸爸去哪兒》，5個星爸中，我認識的只有3個，小志，田亮（跳水），郭濤（盲探），其他兩個不認識，但也好看。我覺得5個孩子都是爸媽的小王子小公主，性格都不是特別的令人高興，都有一定的脾氣。kimi的樣子是可愛的，但不獨立；田亮的女兒cindy是喊包慢熱，但夠獨立又有毅力；內地model張亮的兒子天天好靚仔，但也有點脾氣；反而我最愛郭老師的兒子石頭，有大哥哥的風範，當然都有麻煩時候；最不愛是王岳倫導演的女兒angela相信是被寵壞啦，小孩子已經不肯動，怎樣到大呢？

《過界》分享_含劇情

thanks mediadvhk 的邀請，suddenly可以看《過界》的媒體優先場。得知有得睇，自然上網看看是說甚麼，原來該片入選今屆康城影展的一種關注單元競賽電影，有劉嘉玲與陳坤。

故事說兩個來自不同世界的人類，一是上流社會的闊太太，一個是中港客車司機，各有各的煩惱。這套片拍得好唔好，我唔識講，但的確比我有所反思。

劉嘉玲演的李太太是上流社會的太太，一直過著無憂且奢華的生活，2000蚊整個頭，2000蚊high個tea，囡囡在外國留學，丈夫生意好像不錯，有一群太太酒肉朋友，似乎是不少女仔希望的生活。直到有一天丈夫失蹤了，信用卡沒得用，才發現丈夫公司都已經人去樓空，兩公婆到底有沒有溝通？就好像最熟悉的陌生人一樣，原來兩個人間只有一個電話號碼，面子令她不會不能去透過第三者尋找丈夫，令人最感到無奈；面子令她在沒錢的情況下繼續濶太的奢華生活，令人感到希虛。那一刻我不禁問，到底面子值多少錢一斤？

首先，劉嘉玲那種愁的演譯，是非常引人入勝的，我明白那種無奈徬徨驚訝害怕，因為這樣就好像沒有了明天一樣。一直以來有不少情侶因為拍拖不成而鬧情緒，少則發脾氣，大則自殺。我再一次覺得是on9的行為，如果拍拖不合要死，李太太的情況更要死吧，因為多年來沒有生產能力的女人，要重投市場，或者出售所有物是會令人崩潰的事情，與每天在職場上打併的女人不同，那就是為何上一輩的太太們寧可啞忍丈夫有外遇，亦沒有離婚的打算，在亦舒故事中的媽媽們就是那樣。

今時今日，工作就快10年了，有不少女同學亦結婚生兒育女，亦有女同學為了孩子寧可放棄高薪厚職當上全職媽媽，那是我所敬佩但不認同的。我自己也結婚了，不是不相信天長地久，但每一段感情也有可能變質，每一個人也有可能改變，我衰，但我覺得沒有工作的女人變成寄生蟲也算了，但沒有了自己的生活很重要，如果有一天婚變了怎麼辦？誰會體諒明白媽媽的偉大？一直而言，我相信，最幸福的女人並不是有個有錢的丈夫，反之是有一個有錢且愛家的好爸爸。

反之陳坤的角色做的好不好，我不懂說。但他與太太為了超生的孩子，闖關來港生孩子，香港人會鬧來港生孩子的雙非單非是徨蟲，我自己都非常討厭大陸人，但將心比己，如果我是他們，我也會這樣做。

其實在90年代，不少香港人都會到加拿大等英聯邦國家生孩子，因為拿了出世紙，為孩子留了一條後路，就是未來也有可能到加拿大接受平一點的教育，就算我不用，也買了一個保險，其實這是一樣的。今日內地人的想法，就是那些年香港人的想法，我想當時加拿大人也討厭我們吧，人家排華，小時候我會覺得很討厭，但長大了，我都試過在外國比人用汽水罐掉，想深一層，我們不是在侵佔人家的資源嗎？其實只有像美國一樣，就算我比你生，但都不給你出世紙，就自然減少大家到美國生孩子了。

老實說，整體而言，這套戲看的時候很悶，但，卻給你我思考空間。

homemade sangria and oktoberfest

10月周街都係啤酒節，原本約埋班朋友一齊去Heineken®啤酒節，但後來突然發生太多事了，我地轉移地點去自己屋企攪，都幾開心，我仲整左sangria，sangria其實係葡萄牙的水果酒，如果去澳門食葡國蔡就好多時都會叫，我係早兩期既雜誌到見到個食譜，覺得好易整，嗰晚又見到一支好平既紅酒.....個樽好啱用，就決定一試，但我唔記得帶食譜，結果用個腦去記。

最特別係個食譜教用酒去整冰，我地特別買左兩個冰格番屋企，咁就整左兩pack冰，然後用soda water加平果、橙、lemon juice等等既野加埋落去，想要幾濃就可以自己加紅酒，都幾特別，正！

由於講到明係啤酒節，我地買左好多不同既啤酒，但最後當然飲唔晒啦，但例如朋友介紹既poddington, 秋季版既asahi, 都幾特別。

最得意係poddington，原來入面有舊膠既野有nitrogen，令到倒出黎既泡creamy n smooth，正如個罐咁講。

whatsapp

whatsapp

由於有whatsapp，我們可以更方便與家人及朋友溝通，但相對whatsapp，我覺得一蚊一個的sms來得更珍貴。

小時候，
我曾經望住sms做人，
但因為貴，
所以都以電話通話說了，
曾經有一個朋友，
在家不方便說話，
他走到家樓下的公園說話，
以前不覺甚麼，
現在可感動了。

現在，
幾乎人人都有whatsapp，
iphone免費，andorid都只是0.99美金，
就可以無限盡情地傾，
可是說些甚麼呢，
男女間經常出現的情況，
就是估估下為甚麼他/她不回覆呢？
last seen today at xx:xx，
or
online，
對愛人、暗戀對象，
你為何不online，
或你online又為何不和我說話？
其實很簡單，
如果佢online，
但又唔覆你，
因為其他人比你緊要；
如果佢睇左，
又唔覆你，
因為無野同你講，
其實這是非常顯淺的道理。
最辛苦的，
莫過於見到個icon彈出黎，
可是並不是你想的哪個人找你。

whatsapp可能會拉近大家的距離，
工作繁悶，
有人吹兩句，
可樂而不為，
情況有如用公司email傾私事，
亦接近兩個完本只有公事來往的人的距離，
傾完公司亦可以吹下水。

不喜歡在whatsapp等待，
我想唸只有一個家用電話號碼的年代。
因為無論有幾多種溝通工具，
要找你的，
終會找到你；
不會找你的，
其實是不會找你的。

姜虎東燒肉

在韓國首爾數到吃，的確非常的多選擇，小時候第一次去韓國，是亞洲金融風暴時，當時首爾還叫漢城，當然這個地方很窮，吃的都很簡單，但我已經覺得很不錯，你問我當地的食材是否新鮮，是否美味，我覺得關鍵在於個醬，其實很多食物都是用韓式SPICY JUICE，很惹味的。

今次去首爾吃了很多不同的地道小吃，姜虎東燒肉是其一，我在梨大吃的，非常不錯，若果在明洞skypark3後面一條街的燒肉店，是數倍價錢計算的，但大家要小心小心才進入內呢！碳燒的肉，最重要是蛋汁變成蛋，好好味呢