快捷春卷‧光波爐

我以前成日覺得春卷好複雜，因為要炸，但自從有左光波爐就可以好快手整好。

首先預備材料，我個人覺得用咩料同埋落幾多都係好隨意，好似我自己鍾意冬菇同甘筍，其實仲可以加粟米，但由於春卷皮無味，所以醃料最好醃耐d。

料：
已攪豬肉一盒，約200g、甘筍切粒、冬菇先浸林6小時切粒，將所有料用日本醬油、蠔油、麻油、糖、雞料 醃1個鍾。然後炒熟（煮多ｄ仲可以當餸食tim）

打開春卷皮後就要快手了，因為春卷皮會干，干左就容易烈開，一係快手包，一係就用濕毛巾蓋住。因為我一次過整晒，所以就沒有存貨既問題了。

卷好後用生粉水貼好開口，就可以準備光波。

我用220度預熱個光波爐，然後用高架放滿春卷，以180度光波一面8分鐘後，反轉，再以200度光波5分鐘，即成，脆卜卜架！