韓國之旅‧living and wifi

今次去韓國，已經無買咁多野，反而食野多，之前去，行街買野買到食野既食間都無，好辛苦。今次我住skypark central myeongdong hotel，由於酒店不是我訂的，所以我事前一d都唔知係邊，朋友說近明洞，每天shopping完就可以把戰利品放番酒店，夠方便麻！其實在明洞就有4間skypark hotel，skypark2就在central的隔離，老實講，我住的central是最新的，上網看人家的blog，知道是去年才開幕，本人的理念一直都是，無論酒店幾cheap都好，新酒店穩陣好多，起碼都會乾淨一點，咁當然，在4間skypark入面，central的確是最貴的，咁當然我地訂既時候唔知點解好搶手，星期3同星期4約hkd9xx一晚，但去到星期5同星期6就要hkd11xx一晚，同埋我睇番張單，係agoda訂要4xxx既酒店，要收8xx既手續費連稅，其他網站唔知洗唔洗咁多錢啦，大家要研究研究。

房間
話說central的房是4家skypark中最大的，今次酒店比我的房號是312，是最邊邊的一間房，比起其他客戶，可以放多一張長梳化，但我相信間房只有約300呎，開了兩個28吋及29吋的?都差唔多fully ocuppied，而浴室大小就好寬敞，亦都乾淨企理。但我經過隔?的房間，的確還小一點，若果住3人床的房間就顯得更小了。酒店的3樓至8樓是guest room，而9樓至10樓是ladies room，而11至13樓是guest room，14至15樓是sky room。聽聞所謂的ladies room設計以the face shop及etude house為概念，一隻全粉紅，一隻以簡約為主。房間既插頭是香港插頭都啱，但我找來找去得一個，由於我有帶拖板就夠用，否則大家又電話，又相機，又pad，都唔知點算！我建議平平地去ikea買一塊拖板去旅行，是必須的。

地理位置
central係明洞，但就最近乙支路（1號）站，如果在仁川機場到酒店，好簡單，去到機場後離境大堂出面仁川机機航站1樓12號出面就有6015巴士，會見到巴士售票處，從下面條link可以download到coupon了，每人可以平1000won，約7蚊港紙，而全程車費就10000won，約70港元，由0437至2020都有巴士的，在royal hotel站下車，部車好神其的，可能太多中國人去明洞，當巴士一到明洞，就有普通話廣播，大家唔洗怕落唔到車，車程約1小時，回程去機場都是在同一個站等車，好方便，落車後向右手面行，無論住skypark2或skypark central，都是走一樣，見到七十一轉左，枱起頭就見到酒店。另外如果搭6001都可以去到酒店的，但車錢就要14000won，重點是車程長多30mins。

韓國仁川機場巴士優惠券，平1000won，我真係唔記得在哪找到這條link，sorry



而skypark3就在sejong hotel（世宗酒店附近），skypark1我有經過的，但忘了在哪！如果大家住skypark3就可以在6015最後的一個站下車，因為車站就在世宗酒店，上車回機場一樣，非常方便。而skypark3就在明洞站上，亦非常非常方便。


租wifi蛋
而家大家去旅行，唔用電話上網會死的，對上一次去韓國，我都可以唔開電話，今次都唔得啦，我在機場都租左隻s roaming既wifi蛋，7700won一天，我去5日大約270hkd，唔貴！但有一個好嚴重既問題，就係隻蛋既電只可以用5小時，大家一係帶隨時义電幫幫佢，唔係就會放係酒店义一陣再帶佢出街都得。租點：仁川机機航站1樓13至14號；還點：仁川机機航站３樓Ｇ至Ｈ中間，就在國泰CHECK IN 櫃位行到尾

煮‧燻蹄

煮‧燻蹄

燻蹄屬於燒味吧，平時我們家愛加餸都是選擇燒鴨及燒肉，燻蹄不屬於其一，可能因為燻蹄是凍食，家人覺得不能送飯吧！每星期六都有食客上門，我都是近半年先開始煮飯，大家HEHE HAHA又一晚，不用再都銅鑼灣迫餐死又唔知食咩，都好開心架！正當星期五唸緊煮咩時，無啦啦睇左一個BLOG係做燻蹄，當時我覺得這是非常困難的食譜，點知睇完又覺得唔係好難啫，都可以一試！

買隻德國咸豬手番黎，急凍得架啦，仲可以順便煲埋湯，連豬骨都慳番，真係幾抵架。今次我買左青紅羅白煲湯，但要緊記煲既時候要用多多水，我已經落左3.4升水，後來都應該有加0.5升，但FINAL都只係得番4碗，吸水力驚人。

煲湯：
將青紅羅白各兩個切片
將已出水（滾水烚15MINS）的豬手放入一齊煲
1.5小時即成
建議中間不斷睇下水乾未

燻蹄
將煲左1.5小時的豬手取出
由於堅係熱，預先準備大量冰加凍水
把豬手放入冰水中，起碼3分鐘取出
在豬手中間開一刀至骨位
再把已開戶的豬手放入冰水中
用手起骨，由於豬手已唸，只需用力一拉，成仔骨出左黎，好容易的
再把豬手捲起
用保鮮紙包一層後，用象根圈著
再包幾層保鮮紙，放入急凍格
3小時後取出
打開就會變左一捲野，切片即成

汁
白醋隨意
GARLIC蓉隨意
糖隨意
紅椒隨意
人人口味不同，自己可以試出好味的醬汁

上海之旅

上海之旅_住宿及travel

上海，我去過萬七咁多次，記得第一次去係讀緊大學時，同中學同學去，玩得最多，行得最多，而且洗錢最多，因為同學咩都會試，咩都會食，那時候還小，覺得好貴好辛苦，而家唸番轉頭，無左嗰一次，我唔會對上海有咁多回憶，就係因為用腳走出黎既路，先至會畢生難忘。之後，我有一年時間不停飛上海出差，外灘左石兩邊我都有住過，出差住的，當然最豪最靚，我住個四合院，亦住過國際名牌飯店，直至2010年去世博，用左幾乎1000一晚住一間垃圾，那種感覺簡直有如進入地獄，用我平生所有的普通話投訴，換來一句，「你找到其他酒店還有房間，請隨便轉吧！」激死我了；2012年跟團去華東，上海是尾站，老實講住的酒店不差，但我忘了名字，但我可以說非常遠，導遊說如果搭地鐵番酒店，請坐晒成條9號線約45min，再轉的士，嚇得我即時跟貼團隊齊齊上旅遊巴番酒店，車程近乎1.5小時。

今次國泰fanfare有特價上海機票，3月份時機緣又巧合就同同事決定5月去上海，對我而言最重要的事就係探下好友T先生，話說佢半年前一個唔該就番左上海做野，咁多個月唔見，我都有小小掛住佢。但去到book酒店既時候，我就開始驚啦，除非你唸住千幾二千蚊住番晚，如果唔係，你都幾難可以做得好好，我地唔知點樣上網搵到呢間酒店，3晚加埋都係唔洗1000港幣，真係博一博啫。
Elegance Bund Hotel
(上海宜兰贵斯酒店)
广东路138号 , 黄浦区
(上海, 200001)
Phone:+862163230808
E-mail:sunnywang@elgcgroup.com

上機當日都已經有啲白痴，由於本人唔知道要帶book機票的信用卡，咁就要用第二張信用卡比多次機票錢，然後港龍話14日內就會將啲錢入番去你第一張用來book機票的信用卡，老實講，理論上係無問題，因為啲錢都係咁多，港龍亦都無收多我，但就係張信用卡用多用少既問題啦，由於第一張信用卡3月時係新開的，要係50日內look夠10000蚊先可以擺到20萬積分，對本人而言，梗係死look佢啦，但過左兩個月之後，咩迎新禮品都拿完啦，呢張卡應該可以休息下架啦。

anyway，最後我都上到機。去到上海，用咩辦法離開機場去市中心呢，其實我個人知道就有4個辦法既，一係的士，200蚊你就可以去到外灘；一係酒店巴士，如果你住南京東路既中心，的確係可以去到門口的，每人30蚊；第三係磁浮列車，10分鐘到就去到龍陽路站，有當日機票的就可以40蚊一張票，之後轉的士或繼續地鐵就自己唸下啦，但要留意係磁浮列車有可能要等20分鐘一班車；第4係由機場搭18個站地鐵去南京東路站，老實講，剛剛好一個鐘，但需要係廣蘭路站轉車，好方便，走過對面就可以了，每位只需7蚊，平到你唔信，但我個人建議，如果你有拖喼先好去搭，因為真係一個站都無得坐，如果你打算可以爭到位，你就輸定了。



但去到酒店又話比我知我地未比錢喎，原來係因為我地係booking.com比錢既時候，講明係到前台先比錢的，但我又白痴地唔知道人地有無收多我啦，所以我又要打番黎香港check下，但呢個時候citibank就真係值得一贊啦，我幾乎一打番香港就已經有人聽電話，仲要好快手嗰隻tim，真的不錯。

講番呢間酒店，我自己覺得入到去都無咩問題架啦，當然啦，幾百蚊一晚，唔好咁高要求啦，好無。但，到沖涼就黎料啦，我承認是我很麻煩，浴室去水慢，你答我是高低不平問題，電話打不到，你答我奇怪啦！好，換房間，新房間去水可以電話用到，但浴室磨沙損了，你答我無辦法，幫你唸埋比張布紙我，你答我沒有，半個鐘後又搵到，第一晚我張就住下。第二晚我發現無冷氣，室外溫度25度，你同我講中央空調，要調低等明天，無辦法，請開窗，窩心地送來電蚊片，並話我知上海沒蚊沒昆蟲，我啤左一聲，我明白正常人這溫度可能可以不開冷氣，但這間是酒店呀，大佬，冷氣必備的，是嗎？還要遇著我這個，沒！冷！氣！會！死！的！人！我無力反抗了，但可也想說，無辦法付款，可以嗎？

總知下次我未儲夠錢住香格里拉、半島、四季、威斯汀，我是不會來上海的，要知道與大陸人談判，是浪費氣力的呢!

煮‧瑞士雞翼

雞翼真係我最好既朋友，亦都係剛學煮飯最好的伙伴，我覺得瑞士雞翼又好食又易整，只需用水加salt煲7分鐘雞翼，然後放入冰水急凍，再加開爐，以一比一既瑞士汁煮滾，放入雞翼，但一定要睇火，若果是細隻雞翼，若15min就會變色，變色後再煲多2分鐘，就可以上碟，好好味架

煮‧薯仔炆雞翼

我好鍾意食薯仔同雞翼，老實講，比著兩個月前既我，唔好話炆，連炒都唔識，只係識得烚，因為有個好媽媽，甚麼也做了。近月開始學煮飯，不難，薯仔雞翼無難度。

將10隻巴西雞翼解凍，然後用麻油、鹽、糖、黑椒醃一陣（一個鐘）
半個洋蔥切片
兩隻薯仔切角，浸水備用

落油煎雞翼至兩面金黃色
加洋蔥炒
加薯仔炒
炒時要隻手移動快一點
炒5分鐘
之後加蠔油
加水
兩者加埋要cover到所有材料
大約20分鐘就可以上碟, 中間要不停攪動

之後

煮‧光波爐‧焗豬扒飯

焗豬扒飯唔難整，但老實講，我覺得豬扒唔好食，可能下次真係要加隻蛋煎煎佢。

醃豬扒（炒好飯、煮好汁既時間）
我用鹽、波蘿蓉（一圈罐頭波蘿用匙壓碎）、黑胡椒

煎豬扒
加油、落洋蔥起穫（半隻切粒）、豬扒兩面煎至金黃、盛起待用

汁
在穫中的洋蔥、加入2個蕃茄（切粒）、加入醃豬扒的一圈波蘿蓉、肉醬（隨量）、茄汁（隨量）、放入穫煮5分鐘、盛起待用

炒飯
兩人份約1麥米，然後放涼。
放涼了的飯加一隻雞蛋，加油，加半隻蛋，快炒，再落一半飯，再快炒，炒至乾身後，放上石紙盒內

光波爐局飯
在炒飯上加入兩塊豬扒，舖上汁，然後落一圈已切粒的波蘿，加上芝士一塊，放入光波爐中250度，焗20分鐘，即成。

煮．光波爐‧燒肉

食燒肉好貴，唔知點解要百幾蚊一盒，買左個光波爐之後，明顯就要試一試，我睇過好多人既blog或者食譜，發現不約而同地要買好多醃料，我覺得太煩，反而德國寶既燒肉食譜就好簡單了。

食材：

五花腩（50蚊，兩人份）

鹽

將五花腩洗乾淨後放入滾水出水5至10分鐘

然後用鹽查全舊肉

放在雪櫃2小時

拿出五花腩用非常尖既針或者竹簽在皮上插洞，越多越好（不過會手軟）

光波爐250度

皮向底set15分鐘

反轉皮向面set20分鐘

攪掂。

皮係好脆的，我唔敢話好似街賣的一樣味，但一樣可以食得落口，對我黎講，有得玩又有得食，就夠了，要吃街的味道，我倒不如出街買吧！

煮．羅宋湯‧食譜

近兩個月看上cooking，由最簡單的牛扒，到我以為好複雜既羅宋湯同埋忟牛腩都有，老實講，我覺得煲過幾次後，羅宋湯係最好喝的。上月尾取了預訂一個月的光波爐回家，回想只有2星期時間，我已經試煮了很多很多我平時想都不敢想的食物，例如燒肉、雞翼、焗意粉、牛扒、薯條、成隻雞等等，當然我都係睇人地既食譜再多加改進啦。

不如講下啲羅宋湯先，開頭我會去超市買，但下下都要買好多番黎，我落料都已經好重手，如果加埋買咩落咩，就會太多料，後來我去街市行個圈，轉個頭就買齊要既料。

包括：洋蔥（1個、切片）
蕃茄（3個、切件）
西芹（1/4）
甘筍（2條、切片）
由於唔食牛肉，改為豬展（20蚊，切粒 ）
茄膏一罐
紅腰豆一罐
濃湯寶一粒

將豬展切粒後，搵鹽醃一陣（約切晒其他野既時間）
切好所有材料後
用牛油或油炒香洋蔥
再落肉粒，炒至變色
加入茄膏及其他材料一起炒
炒好後加水（多過啲才料一倍）
煲一小時後，加入濃湯寶及紅腰豆，再煲約半小時

記得記得不時要攪拌材料，否則實痴底。

喜愛夜蒲2

相處得太好　變情侶像注定
卻又怕熟悉得心動似假定
直到你說你愛我　似讚我癡情
又似報答我　那溫情　直到傾訴比熱吻高興
說地談天的知己　變身枕畔的你
合著眼睛先了解　難努力纏綿吃力迴避
弄錯愛戀跟歡喜　已將關係處死
浪漫虛名承受不起　也要捨棄
共你親到無可親密後　便知友誼萬歲是盡頭
別似親人那麼懷抱我　也別勉強共老朋友手拖手
已經戀到無可戀慕後　換到同情才罷休
跨出這條界線　怎去善後　也許這種愛剛足夠
散步然後吃喝　誰也別多口
大概過去有愛過　以摯友之名
像對愛侶卻已暗殺了剎那激情
就算擁吻堅持有反應
對著沿街的燈火　哪一盞未數過
現在靠枕邊談心　難道及從前講得更多
待放已久的心花　手一拖便結果
剩下曖昧過的好感　也已撕破
共你親到無可親密後　便知友誼萬歲是盡頭
別似親人那麼懷抱我　也別勉強共老朋友手拖手
已經戀到無可戀慕後　換到同情才罷休
跨出這條界線　怎去善後　也許這種愛剛足夠
散步然後吃喝　誰也別多口
已經戀到無可戀慕後　換到同情才罷休
跨出這條界線　怎去善後　也許這種愛剛足夠
笑著承認愛錯　無怨地分手　朋友別引誘

引用來源 http://www.littleoslo.com/lyc/home/%E5%8F%A4%E5%B7%A8%E5%9F%BA-%E6%88%80%E7%84%A1%E5%8F%AF%E6%88%80

充實的weekend

充實的weekend

本人非常重視星期五、六的生活，以前還在教琴，星期五、六是搵錢的黃金時間，那時候只能為自己預留星期六晚上的空閒時間，打死都不教，為的就是與好朋友閒閒的度過一個星期最重要的星期六。現在打工仔，星期六suppose都要番長短周，但我通常都會用補假補了周六，咁我就有兩天假。

話說今個星期五、六節目異常豐富，星期五與nz朋友仔一早約好睇低俗喜劇，能夠食飯的朋友仔就早啲出到去開飯，我地一行四人在標記，即舊旺角neway city隔離食中式加潮州菜，老實講，食飯既環境就真係麻麻，但啲餸就真係幾好食，我地叫左炸大鱔、金銀蛋時菜、炸大腸、沙拉骨同埋炒蜆，加埋白飯啤酒汽水埋單都唔洗四舊，好ok！

之後就去睇低谷喜劇，老實講，我本住以春嬌與志明的心態入去睇，都即係無期待，但真係out of my expectation，成套劇講粗口既情況比我高得多，完全唔係我講開嗰，志明既卜街我都會講，但係老實講，杜先生既粗口，我就真係唔得啦！

為左明白個劇情，我地決定坐低飲杯野傾下，一傾就傾左兩粒鍾，最大收獲就係識左一啲新朋友，同埋大家約定下次去睇喜愛夜浦2，仲有就係去遊船河，可惜大家即場約定的９月８日我景然突然唸起唔得閒，咁就有可能要再約啦。

星期六等vincent上完了，就約左蔡生黃小姐食tea，尖沙咀呢個咁多人既地方，我地係美麗華既habitu搵唔到位，就去左mira既bar，飲到咁上下就要去cwb，因為b小姐約左食cafe one既buffet，唸住呢間餐廳既dinner buffet會好正，但其實都只係普普通通，因為有discount，所以都好平，位位三百到啦，不過無豪食，得長腳crab，同埋龍蝦，不過要一贊佢地既甜品，真係好ok, 不錯不錯！

食食下buffet，朋友打黎番兜再飲野，我地去左恩平道亨利中心27/f既shelter，開左幾支紅酒，咁就出事啦，話說我個人都仲係好清醒，但係一上的士就黎料，嘔到阿媽都唔認得，唉，我都超級唔好意思之餘，仲要賠錢比個司機，咁就無左幾舊，總知是人生無幾可遇上的樣衰事！

華東六天之南京

華東六天之南京

六天的華東之旅終於完畢，回來後最大收獲是黑了，胖了，還有辛苦了。每天六點多起來，然後趕快梳洗完畢後出發，每天三分一時間在車上，三分一時間到團體指定的購物點，三分一時間到旅遊點，實在太辛苦了！

老實說，這六天下來我都沒太多記得自己到過那些地方，如南京，我們似乎到過中山陵，最深感受是近四百級的樓梯，我走過了，還要在接近40度的天氣下，晒都晒溶了，很可怕。

然後是南京的夫子步行街，似乎是這樣叫吧，沒甚麼特別的，有一個夫子廟，有一條秦淮河吧，與幾年時到過的差不多！我們在超級市場買了很多吃的小食，晚上在酒店解決了它們，由於旅行團住的酒店都是很遠很遠的，所以不介紹也就罷了，重點是它們都是相對乾淨就ok！

這次在南京住的酒店叫南京國際博覽中心酒店，還是頗新的一家酒店，所以還可以的。

這個組合就是我在這次旅行的美白組合, 有olay的30及50度防晒系列，還有prox by olay clear純淨方程式，這次我帶去的就是淨頻調理精華及淨頻水潤修護露，希望已經非常粗大的毛孔能夠不在這次旅程下惡化。

《征空勇士３Ｄ》

我有10年無去過大空館睇大象電影，上星期日同bb兩個無聊去睇下有咩睇，原來有套首部立體球幕電影《征空勇士３Ｄ》，入場費都只係32蚊，好事打孖上，我地順便睇埋套tornado，由於無票，所以只好坐前坐24蚊。

我都唔知係因為tornado悶定係張椅真係超級舒服，我都未開場就想訓，bb唔好講，佢由頭訓到落尾。但套astronaut就唔同，話晒都係新既立體技術，大家都有興趣睇下，話說大空館用新立體影像系統採用獨特的「干涉濾鏡技術」，專為配合天象廳的球形天幕的特殊需要而設。

《征空勇士３Ｄ》片長23分鐘。觀眾能感受到太空人的艱苦訓練，例如潛入水中進行模擬太空的訓練、跳上飛機體驗無重狀態、闖進巨型離心機感受巨大重力以及目睹太空人所遇到的危險與挑戰。

好唔好睇見人見智啦，但3d眼鏡真係幾型，男朋友好想擁有一副。

越南風_芽莊

近日愛上了芽莊這家越南餐廳，老實說，越南與泰國餐並不是我的最愛，一直以來都只是淺嚐，並無深究。

由於芽莊的越南菜並不是特別越南風味，只要不吃越南河粉，其他菜式都比較fusion，不錯。重點是價錢不貴，可以一試。

我認過沙田與灣仔兩間，昨日吃了軟殼蟹卷、新鮮菠蘿冰、鱆魚釀豬肉粟米、蛋皮雜錦及一杯類似洗菜水的飲品，大蝦涼伴茄子，埋單都是350，不貴，吃得很飽。

鱆魚釀豬肉粟米好好味，餡料非常有TEXTURE，有粟米又有肉味，鱆魚有點硬，但很難不硬吧！若果不怕三高，真的可一試。

而蛋皮雜錦的皮很脆，有棷汁味，我都不肯定是否真的是蛋，唯有不足是內面餡料的肉有點肥，整體不錯。

而軟殼蟹卷則普普通通。

大蝦涼伴茄子味道配合得很好，酸酸甜甜，不俗。

非好選擇_金饍韓燒

我愛食韓燒，雖然我吃得不多，但燒燒下又食食下既感覺，比送上門齌食來得有趣。韓燒我愛韓雅林，價格屬上價之選，可是一分錢一分課，的確肉質鮮嫰；其次是已關門大吉的莊園，由大學時代開始幫襯，正宗韓國燒烤，不少韓國人士幫襯；對於漢陽苑及漢禾苑等，屬下下次選，肉類選擇多，但沒有鮮肉美味。要選下價韓燒，非灣仔的御饍，好招呼又好坐，自助燒烤位位108，可補償選擇少的缺點。

近日老爸似乎愛上韓食，不單成日說要吃泡菜，就連生日飯也提意韓餐，我首選韓雅林，可惜當日要就細佬夜番，就改食家附近日的金饍。老實講，由於經常到北京道1號食火間土，金饍其中一間分店就在隔鄰，可惜都是過門不入，這次想想價錢也不平，應該不錯，就試一下。

結果...如果是四人用饍還可以，由於他們的枱都是四人為主，若果多過四人就有可能要用兩張四人枱，但兩張枱不能拍在一起，有點搭枱的感覺。其次是員工非常沒禮貌，我說的是旺角新世紀金饍，未食先氣飽。

再者...我們點了六人餐，1398，有牛肉拼盤，重點牛肋骨是冰鮮的，還有一塊牛扒肉色不新鮮，其他還可以，比漢陽苑好，但難以與莊園及韓雅林比較，肉質差上很多。我想，這個價錢不平也不貴，何不加小小吃好一點；或吃平多多吃多一餐？

螢之光 羅馬假期

這星期看了「螢之光 羅馬假期」，我本人覺得悶，可能因為我沒有看過日劇，但是對於「乾物女」又好奇，整套電影中，我對羅馬沒有甚麼感覺，倒是那句「因為累，所以甚麼都覺得麻煩」很有同感，我就是其中一個這類的人，我在工作上可以很投入，對朋友的事都很上心，可是，我對於自己的事卻可以拖到無可再拖才處理，甚至由別人替我處理，而我最常說的那句話是「這樣很麻煩的！」

到底怎樣才能夠改一改這個習慣呢?

SMELTING ICE CREAM

夏天到了，指甲也要同陽光玩遊戲，這次做了SMELTING ICE CREAM，係咪好COLORFUL呢

OLAY輕透防曬隔離乳液SPF30

我明白係女人都要防晒，但是我實在非常LAZY，如果星期六日無咩特別，在早上用了清潔MASK及保濕及COLLEGEN等MASKS後，所有有色的化妝品我都很小很小用，因為我唔想落妝。雖然我每天由落街到地鐵，路程不足五分鐘，但見到窗外炎炎夏日，我實在不得不提醒自己，唔塗防晒實在太過份了。

我塊面好鬼油，老實講，我試過不同牌子的防晒，無邊隻係我覺得好好用的，因為都好似膠水咁唔夠乾爽，所以好多時我都係塗左有防晒的BB CREAM就算數，但我用開的粉底（LUNA MERCIA）都將防晒同埋BASE分得好清楚，攪到我唔搵支好的防晒都唔得，近月收到了OLAY的防晒產品，即管一試，結果發現還好，起碼而家塊面都唔會因為長期係冷氣OFFICE而變得膠水一樣。

 

這支OLAY輕透防曬隔離乳液SPF30，入面有粒小膠珠，都係SHAKE WELL BEFORE USE 啲朋友，話說加左Niacinamide菸鹼醯胺，可減低肌膚發炎、鎮定肌膚及抗氧化，讓肌膚在曬後能防止泛紅、發炎，下個月去晒到飛起兼熱到七彩的華東旅行，可能到時試埋OLAY高效隔離防曬乳液加強型SPF50，番黎再講下好唔好用。

OLAY輕透防曬隔離乳液SPF30 HK$139.9/ 40ml

OLAY高效隔離防曬乳液加強型SPF50 HK$159.9/ 40ml

purple姐姐

我從來不追貼港聞，這是我由小到大都是這樣的，最叻是小時候邊吃飯邊看六點半晚間新聞，所以社會科考試問題不大，到我讀中學時未有通識，所以不懂時事也能過關。近日CY屋企僭建，攪到HELLO KITTY都出埋，最低能就係有隻DREAM BEAR，簡值洗我FACEBOOK個版。唐唐當日因為僭建無得做特首，今日CY又如何？我實在興趣不大。

反之興趣較大的，因為是PURPLE姐姐的家居專訪，住在浴室裏實在太吊鬼，哈哈，真係有腦先唸得到。老實說，我從小就覺得工人一定係屋企的一份子，將心比己，你對人好人對你好，你恰人時總有一天會調轉。

MY LIFE STYLE

今日在一個EVENT上認識了一個新朋友, 讓我認識了http://www.my-lifestyle-news.com/, 這個wed site, 老實說, 若果只是平常的看, 我會以為是一個內容豐富的潮流網站而已。可是, 經過介紹, 我覺得網站的背後故事吸引我了, 一班志同道合的朋友, 一起創立一個有共同興趣的網站, 單單是表達意見, 與分享心得, 已經讓創立者得到滿足感.

看到內容是豐富的, 也足見報道者的用心, 並非透過新聞稿的剪貼而成, 希望可見的將來, 這個網站更加成功.

UNFORGETTABLE

因為很忙很忙所以沒有打BLOG很久了（籍口吧，因為近月迷上打機及看劇～～）

由澳洲女演員Poppy Montgomery作女主角的「UNFORGETTABLE」是我近日覺得最好睇的美劇，講述女主角Carrie Wells有過目不忘的本領，雖然說這是病態的一種，劇中叫這種病為hyperthymesia，但是如果能夠remember everything，對於日常生活有利多於害。

Carrie利用她的特殊本能幫助NYPD破案，無往而不利，因為就算佢一時忘記了都能夠番轉頭再唸一次，就能夠記得有咩人幾點鐘出現在CRIME SCENE，攪到我有時都會特別留意第一現場的環境，仲能夠破埋案TIM。