電影．失戀33天

哈哈，我尋晚放工又去左睇戲，今次地點係ua太古城，老實講，我真係唔知道原來而家仲冇預售同埋即場兩條隊，結果本人文冒又排錯，已經遲左15分鐘入場變左遲25分鐘，anyway，我本人都知道睇唔到開場其實幾唔尊重成部電影，但冇辦法，我放工時間咁衰點準時先。

終於比我入到場啦，我聽到隔隔隔三個位有好嘈下既傾計聲，我忍左3分鐘，終於忍唔住轉左個位，先可以安安落落咁睇埋套戲。

呢套戲比我第一個感覺，個女主角都唔靚既，如果一個女仔唔靚講野又唔得，咁好難幫你，你話仲有咩可以吸引到人呢，所以到最後我都係唸唔明個男主角點解會鍾意佢，套戲名都有講啦「LOVE IS NOT BLIND」麻，既然唔係盲既，就應該會選擇一個好啲架啦。

呢套戲最經典既係，點解一個青年才俊身邊既女人，都係一啲周身缺點，又麻煩又冇品，開口LV，埋口PRADA既女人？

原來係有解釋既，根據套戲話：當一個女人將LV、PRADA當成生活必須品，咁愛情可能係佢地既奢侈品，男人可以源源不絕咁提供金錢與名牌，但係愛情真係好難不停咁提供，所以男人都會鍾意一啲易攪既女人。

 但係套戲都有笑位既，例如，個女主角當左支染髮劑係牙膏啦！