特首選舉2

港大民意調查攪左個特首香港人全民投資，無論你用咩智能手機都可以download一個叫popvote既apps，本來可以好容易就投到票，可惜由今朝番工都而家都down左，我起初以為個個香港人都係咁踴躍，到時投票率仲勁過過往既立法會、區議會，可惜，原來可能有hacker hack左個website，攪到大家都投唔到。

同事k說這是國際笑話，是的，我唔理係邊個hack入呢個網，亦都唔理個結果係梁、唐、何定白投，雖然這個係「假選舉」 ，卻表達了「真民意」，只要多於1,200名市民投票了，就已經更比小圈子選擇有公信力。

香港人當然唔係個個都明白特首既政網，亦都唔係個個有選舉意識，睇下區選立選投票率咁低就知道。可是我地讀書都有學生會選擇，投票係香港既教育制度教識我地表達自己意願的方法，我唔評論點解香港唔可以一人一票選特首，因為呢樣唔係我講兩句就可以解決既問題，而家一個唔係真既選舉都比人打壓（當然我都希望只係因為港大民意調查唔夠錢攪唔好個server，而唔係真係有任何既政治目的，令香港人表達意願既途徑都無埋），咁香港到底係一個咩既地方呢？

想當年香港仲係值民地時代，香港既總督都唔係一人一票選出黎，我唔知係我仲細定係以前真係冇咁多反對聲音，我地以前會接受，同時亦都真係有表現。今日popvote比我地發表自己既意見，其實三位都有人支持有人反對，亦唔係普選產生，我地市民都已經在既定人選中作出沒有選擇的選擇，為何還要有所排斥呢？