無無聊聊南丫島行山

又係星期日，睇完THE LADY就去左南丫島，由於我已經N年冇去過，BB就更加唔好講，所以我地都係決定係13度既天氣下去一去南丫島，但我絕對冇唸過去行山，點知．．．

到底應該去榕樹灣定係索罟灣呢？我地一啲頭緒都冇，結果由於中環去榕樣灣的船早5分鐘到，所以我地就上左船啦，呢程船費盛惠$23.2。

搭左半個鐘，就即刻同大自然玩遊戲，都啱既，日日番工有幾何見到有山有水有單車既環境，我地跟住人地行，見到個牌寫住由榕樹灣去到索罟灣要1小時10分到啦，BB就話咁我地行啦喎，我話你都傻既，但無啦啦，我就被騙行山了。

經過洪聖耶海灘，令到我非常非常想燒野食，我仲想即刻打電話約人，如果得我同BB兩個燒，都幾悶。

原來呢條係家樂徑叫－南丫家樂徑－洪聖爺段

越行越高TIM

呢條路都幾係野

沿途見到好多木瓜樹，仲有蕉樹

呢個係有機農場，有人係到賣有機菜，可惜我地唔煮飯，唔係都可以幫襯下。

見到天后廟就即係我都差唔多行完啦

見到隻咸蛋黃咁靚，梗係要影低啦

我今次冇食到海觧，但呢到真係有好多好多海鮮檔，下次可以一試。