思心言誠: 北上深圳瑪雅城按摩記2012.2.23

我咁大個人都怕就係去深圳，冇他，因為唔見心、肝、脾、肺、腎既新聞日日都有，尤其呢個民做罪惡之城既羅湖商業城簡值就係我既禁地，平時最多都係經一經羅湖直接番廣州。好友SEAN就正好相反，對佢黎講深圳簡直係一個樂土，如果有機會佢直頭想移民番去。

為左糾正我對深圳呢個錯誤既觀念，阿SEAN決定帶我北上尋歡一次，但最錯既係攔左星期三呢個平日，對於一個朝九晚五既打工仔黎講，真係有啲攞命。話說我尋晚放左工，先去鑽石山同德堅食過夏面館，之後再陪BB食個晚飯，半夜咁濟等埋阿SEAN放工先上去，我已經開始恰眼訓了。

ANYWAY，我地去到羅湖過埋關，阿SEAN左搵右搵就係要搵到瑪雅城既接待署，因為除左有車接送之外，仲有一張65折卡，呢個都幾緊要，話說好似中式按摩咁，90分鐘計約113，七折左先係77蚊。但瑪雅城有樣好吸引，就係港幣對人仔1:1，即係八折之後再六五折，咁就抵啦。

而個CHANGING ROOM都非常齊備，真係紙UNDER都唔洗帶，咩都有，值得一贊既係佢個LOCKER，SECURITY都算係咁，用電腦鎖之餘，仲要同個KEEPER兩條KEY先可以開到，算係OK。