電視劇‧gossip girls

近日努力追看gossip girls，有了「快手美劇」這個apps，由season1到season5都齊晒，仲可以download落黎晚晚睇，方便到爆。

gossip girls我看完了season1，現在追看season2，其實部片係好睇既，但人物既性格實在太易觸摸，定左型咁，典型既美國片，又係一套sex n the city既年青版(我覺得)，靚人靚境靚衫，與其說是貴族學生既生活，不如說是外國學生的生活還來得貼切。

關係：

 呢套劇入面既主角不外乎係Serena、Blair、chuck、Nake、Dan幾個人，當然都仲有身邊圍繞好多個人，但佢地既關係都係七角咁亂，香港人或者中國人可以覺得佢地奇怪，以前既我都可能覺得shocking，但係外國讀過書既人都知道，a係b既ex，但係c既ing form；d係c既ex，但同阿e又有sex關係，當然唔係個個都係咁，但係起碼我知道這樣既正常。

至於父母對於子女既奇望，尤其令人黑人憎既係阿nake既父母，無他，出賣個仔去換取自己生意上或者係榮譽上的好處，大把啦；香港父母個個望子成龍，唔係話個仔叻一定可以令到佢升官發財，但係可以讚自己個仔讀邊間讀邊間，考到咩，其實都係要個虛榮，唉，所以有幾多個小朋友真係開開心心成長呢！

人物：
Serena，第一眼見到就覺得很美喔，在劇中佢係a born queen，閃美燈聚焦，令到好朋友blair妒忌，其實佢就好似一啲天生萬人迷既女仔，迷倒身邊所有人而不自知，呢樣先可貴。Dan話，Serena擁有四歲咁既笑容，又可以唔放棄好似Blair咁既朋友，係佢鍾意佢既地方，我都好鍾意呢個女仔呢。有錢，但唔驕傲；有樣，但唔發姣；幾吸引。

Little Jenny，冇性格，但係最有現實人性既女仔，阿爸阿媽比我讀貴族學校，唔該預埋錢比我買衫，冇衫冇朋友，在 toilet食lunch box，我地讀書嗰仔都預過啦，Little Jenny仲攪到要偷人地件衫，用埋呢個買完有得退既美國購物style，去取悅朋友，我地而家可能話佢on 9，但老實講，作為一個靚妹，邊到識得同你唸咁多先，咪玩啦唔該。

電影．Extremely Loud Incredibly Close

又一個自己看戲的晚上，終於忍唔住用100大元入左UA LOYALTY CLUB，然後用51元看了人人都說好看，自己又覺得應該睇（唔係話一定要睇既Extremely Loud Incredibly Close），開頭以為係溫情片就錯了，都真係幾down既911片。

6通電話留言，分了幾次才播得完，而最後的一次也是在結局時才播出，可以看到小朋友漸漸打開心房的結果，有時候你恐懼的事情難以面對，亦都是大家都希望逃避的時情，所以grandpa講得啱，我地做人係要學識面對同克服自己的惡懼，if we got a good leader。

小朋友係成套片的重點，一個有自閉症但extremely clever既小朋友，害怕一切自己識為唔安全既活動，就好似行天橋、打千秋、 撘公共交通工具等等，然而當一切心結慢慢打開時，其實小朋友都可以做到我地看似好正常既活動。

相信最sad既一幕係小朋友同mama講，「我寧願係world trade嗰個係你instead of dad」，當然呢個唸法係大家心目中都係唔正確的，但係我地既other side會發現，其實我地有時候都會咁唸，因為一個人係冇可能fair的，對家人對朋友對同事都一樣，我地都有厚此薄彼的時候，然而當兩母子有了溝通後，情形就變得令人感動了。

我一路看這部戲，想起很多事情，畢竟911距離很多年，還記得當日我在回宿舍的路上，媽媽告訴我世貿倒下了，我還笑著答，噢！銅鑼灣世貿有人拍戲嗎？即時感受不深，直到在大埔和uncle drink something，全個餐廳的人都在看電視，回到宿舍，所有人都擠滿了pentry，我才知道嚴重了！人命的無常還有菲律賓事件，也是一邊看戲一邊想到的。

當然最老生常談的一句話，多與你身邊的人說i love you，因為沒有人知道明天還有沒有機會，有時候很羡慕外國人，他們常常把i love you掛在口邊，同家人，朋友也說i love you, love you, too，中國人始終很難。

try to do something wont make you regret..........

電視劇．Pretty Little Liars

每年到咁上下時候我就會發現對於行街shopping有點厭倦，咁就會從頭不同劇集的懷抱，之前都會去買下日劇boxset，結果走左去學日本，學左半年就放棄了，還是看美國劇集簡單，因為我不會無啦啦去學英文。

在非常熱烈煲劇的情緒下，我看了Pretty Little Liars，冇辦法，人還是喜歡美的東西，先別說主角是有錢還是灰姑娘的故事，我還是愛美女，尤其是後生可愛，又帶點高貴的女生喔！其實我喜愛看的劇集都帶點《Sex n the City》 的影子，美女，靚衫，男主角則有一、二個象Mr Big吧，who cares！

At Pretty Little Liars，四位未到雙十的小女生天生麗質，加上一點點 懸疑的劇情，good！能夠kill時間之餘亦能夠讓我聽多啲英文，一舉九得，不錯！

Aria（Lucy Hale），Spencer（Trojan Bellisario），Hanna（Ashley Benson）和Emily（Shay Mitchell）

電影．Love 愛

看Love 愛，我本來以為是Love Actually咁上下，可是看完覺得好多了。這部電影有很多種不同的愛，導演都把愛合理化了，由被包養到自食其力的方柔依；由出軌上了女友好友卻被原諒的阿凱；懷孕卻選擇放手並把孩子生下來的宜咖，這些都可能是現今社會難以發生的吧，當然結局是這樣最好，在道德觀的角度下，可是又有幾多個人能夠做到呢。

先講舒淇與鈕導，很有非誠勿擾舒淇與葛優的影子，不同的是鈕導的富商與葛優的藝術人生不同，可是兩者的關係相似，到底是拍拖嗎，不似；說包養，又有點那個；直至遇上小男生阮經天，我個人覺得作為一個哥哥，他是非常稱職的；作為男伴，還可以；作為方柔伊的男朋友？若果方柔依有錢，可以考慮包下他，若果方柔依要改變自己，由依符在男人身邊的女人，從身在社會上努力，擺脫「有卡刷，住豪宅，穿名牌」的日子，一句「你所擁有的，並不是你想要的」，都道盡了現今社會中男女感情的無奈。就真的只有電影中才會發生吧。

 馬克、舒淇與鈕導的關係亦是社會中常見的，身邊的朋友，a與b有野，b與c又可以上床，只不過馬克與舒淇能夠沿崖勒馬，就有點不正常，馬克的不能付出感情很可愛，面對美女都能夠不上床有點奇怪，亦因為咁而避免為朋友戴上綠色帽子，亦是好事。

反之馬克與豆豆的感情的非常吸引我的，在樹上的一幕真的可以番看再番看，很感人亦很好笑。「想念是非常痛苦的」，絕對認同，可是這個小孩子也非常非常的可愛，與趙又廷拍在一起也有點父子相。 趙微若果以孩子喜歡為理由而色誘趙又廷則十分on9，看到馬克與媽媽吃飯的冷漠，為了2公斤而吃少一點甜品，實令在趙微與孩子等馬克一起切蛋糕的一幕有強烈的對比。

至於年輕的3個，他們的感覺最現實，但解決方法卻最不能認同。阿凱說如何如何愛小霓，甚至要去跳屎池，卻仍然能與宜咖上床，我實在不懂說，愛是甚麼呢，我用口說愛你，但我的身體要背叛你，其實我也控制不到，對不起喔，是這樣嗎？作為未婚媽媽，宜咖是勇敢的；小霓能原諒阿凱是偉大的；然而阿凱與宜咖卻能說定只是孩子的爸爸與媽媽則是on9的，未來的關係更加複雜，最有腦的是宜咖媽媽，每月給5000塊的錢養孩子是實際的。

電影．My week with Marilyn

今個weekend好努力咁追番所有電影，希望在下一輪上影片上影之前可以清緊啲貨，星期五晚一個人去左IFC，得番兩套開始左既戲可以選擇，一部係My week with Marilyn，或一部就係The Artist，老實說我個人並不是藝術修養高的人，所以兩套都唔係我杯茶，但有的是時間，就選擇左前者，估唔到有意想不同的收獲。

看戲之前我對marilyn monroe一丁點認識都沒有，只是聽說她是怎樣美怎樣性感怎樣身材好怎樣有味道，問題是，不同年代吧，我自己對她的外表沒有太大感覺，直至這套戲後，我還是欣賞這套戲多於她這個人。

先撇開這套戲講述這麼一個娛樂圈的偉大明星，其實以michelle williams扮演 marilyn monroe是似吧，可能我就會把兩者劃了一個等號；再講Eddie Redmayn所扮演的Colin Clerk，冇錯佢係有啲單純，如果相比起 marilyn monroe，可是這邊箱追求Emma Watson，那邊箱又可以喜歡上marilyn monroe，那很難令人覺得他很單純吧，同樣都是賤男人一個。

至於Emma Watsons，由Harry Potter的女主角，到這套戲的二、三流配角，我看不到有甚麼Character可言，她最後不選擇與Colin在一起，可能就是最成功的地方。

這次是我第一次自然去看戲喔！

official trailer

OLAY 全盒

今日OLAY係皇室堡攪EVENT，只要帶備任何品牌的BB CREAM或粉底液（超過200蚊）就可以免費換取OLAY TOTAL EFFECTS多元修護粉嫩氣色乳一樽。

多謝OLAY送既全盒，我同BB都夠用，重點係男士系列街係未有得買架，試過話你知好唔好用呀。

Published with Blogger-droid v2.0.4

北上深圳瑪雅城按摩記2012.2.23

 我咁大個人都怕就係去深圳，冇他，因為唔見心、肝、脾、肺、腎既新聞日日都有，尤其呢個民做罪惡之城既羅湖商業城簡值就係我既禁地，平時最多都係經一經羅湖直接番廣州。好友SEAN就正好相反，對佢黎講深圳簡直係一個樂土，如果有機會佢直頭想移民番去。

為左糾正我對深圳呢個錯誤既觀念，阿SEAN決定帶我北上尋歡一次，但最錯既係攔左星期三呢個平日，對於一個朝九晚五既打工仔黎講，真係有啲攞命。話說我尋晚放左工，先去鑽石山同德堅食過夏面館，之後再陪BB食個晚飯，半夜咁濟等埋阿SEAN放工先上去，我已經開始恰眼訓了。

ANYWAY，我地去到羅湖過埋關，阿SEAN左搵右搵就係要搵到瑪雅城既接待署，因為除左有車接送之外，仲有一張65折卡，呢個都幾緊要，話說好似中式按摩咁，90分鐘計約113，七折左先係77蚊。但瑪雅城有樣好吸引，就係港幣對人仔1:1，即係八折之後再六五折，咁就抵啦。

而個CHANGING ROOM都非常齊備，真係紙UNDER都唔洗帶，咩都有，值得一贊既係佢個LOCKER，SECURITY都算係咁，用電腦鎖之餘，仲要同個KEEPER兩條KEY先可以開到，算係OK。

呢到就係瑪雅城既內觀，都真係有六層咁高，呢個所謂既泳池就冇人游架啦，但大廳既足浴就有好多人做，45分鐘先係48蚊。

今次我冇做腳底按摩，只係修左腳，只需38蚊，但要比小費，我就係咁易比左20蚊。

係大廳既飲野生果都係唔洗錢既。

由於我地係到過夜，但係按摩嗰間房真係焗到冇朋友，所以唯有轉左間房訓，四點先訓落床，有四張床每個人訓兩張，咁都勉強訓左4個鐘，今朝八點起身過關番工，番到公司1030，都算OK。

阿SEAN推介既酥皮龍蝦湯麻麻地，入面啲湯同料都唔夠料，不過都係30蚊。

呢個青瓜真係唔錯，28蚊，非常好食，半夜三點幾都係食少啲野好啲。

瑪雅城俱樂部酒店
住址：深圳市羅湖區沿河南路1177號(廬山酒店後)
電話：86-755-2519799 / 86-25197666

無無聊聊南丫島行山

又係星期日，睇完THE LADY就去左南丫島，由於我已經N年冇去過，BB就更加唔好講，所以我地都係決定係13度既天氣下去一去南丫島，但我絕對冇唸過去行山，點知．．．

到底應該去榕樹灣定係索罟灣呢？我地一啲頭緒都冇，結果由於中環去榕樣灣的船早5分鐘到，所以我地就上左船啦，呢程船費盛惠$23.2。

搭左半個鐘，就即刻同大自然玩遊戲，都啱既，日日番工有幾何見到有山有水有單車既環境，我地跟住人地行，見到個牌寫住由榕樹灣去到索罟灣要1小時10分到啦，BB就話咁我地行啦喎，我話你都傻既，但無啦啦，我就被騙行山了。

經過洪聖耶海灘，令到我非常非常想燒野食，我仲想即刻打電話約人，如果得我同BB兩個燒，都幾悶。

原來呢條係家樂徑叫－南丫家樂徑－洪聖爺段

越行越高TIM

呢條路都幾係野

沿途見到好多木瓜樹，仲有蕉樹

呢個係有機農場，有人係到賣有機菜，可惜我地唔煮飯，唔係都可以幫襯下。

見到天后廟就即係我都差唔多行完啦

見到隻咸蛋黃咁靚，梗係要影低啦

我今次冇食到海觧，但呢到真係有好多好多海鮮檔，下次可以一試。

THE LADY（昂山素姬）

原來係香港的生活都幾無聊，唔係行街、睇戲就食飯，上星期日同BB兩個一早起身，去左IFC百老匯睇THE LADY（昂山素姬） ，明明我之前睇《明周》覺得好值得睇，可能係我個人唔悶得，入到去覺得麻麻地。

可能我生存係香港呢個天下太平既地方，亦可能由細到大既填鴨式教育令到我個人好政治冷感，當然香港都冇可能有緬甸人咁需要民主，沒有當地的軍政府咁冷血，所以我真係好難感受到對民主訴求既重要。

香港最多五十萬人上街，仲要係和平既，如果有個女人咁樣放棄家庭，老公同仔女黎爭取民主，我都唔知應唔應該支持佢，當然佢係一個精神領袖對當地人黎講好神性，真係絕對唔係我可以理解。

不過，聽佢個名都聽得多，我都透過部戲可以睇到多少少背景，起碼我知道佢個諾貝爾和平獎佢老公都有份出力，就係我成套戲感受最深既地方。楊紫瓊個表情成套戲都一樣，佢係扮得似既，有一種和平感，但我比較鍾意佢老公既背後支持，更偉大。