OLAY輕透防曬隔離乳液SPF30

我明白係女人都要防晒，但是我實在非常LAZY，如果星期六日無咩特別，在早上用了清潔MASK及保濕及COLLEGEN等MASKS後，所有有色的化妝品我都很小很小用，因為我唔想落妝。雖然我每天由落街到地鐵，路程不足五分鐘，但見到窗外炎炎夏日，我實在不得不提醒自己，唔塗防晒實在太過份了。

我塊面好鬼油，老實講，我試過不同牌子的防晒，無邊隻係我覺得好好用的，因為都好似膠水咁唔夠乾爽，所以好多時我都係塗左有防晒的BB CREAM就算數，但我用開的粉底（LUNA MERCIA）都將防晒同埋BASE分得好清楚，攪到我唔搵支好的防晒都唔得，近月收到了OLAY的防晒產品，即管一試，結果發現還好，起碼而家塊面都唔會因為長期係冷氣OFFICE而變得膠水一樣。

 

這支OLAY輕透防曬隔離乳液SPF30，入面有粒小膠珠，都係SHAKE WELL BEFORE USE 啲朋友，話說加左Niacinamide菸鹼醯胺，可減低肌膚發炎、鎮定肌膚及抗氧化，讓肌膚在曬後能防止泛紅、發炎，下個月去晒到飛起兼熱到七彩的華東旅行，可能到時試埋OLAY高效隔離防曬乳液加強型SPF50，番黎再講下好唔好用。

OLAY輕透防曬隔離乳液SPF30 HK$139.9/ 40ml

OLAY高效隔離防曬乳液加強型SPF50 HK$159.9/ 40ml

purple姐姐

我從來不追貼港聞，這是我由小到大都是這樣的，最叻是小時候邊吃飯邊看六點半晚間新聞，所以社會科考試問題不大，到我讀中學時未有通識，所以不懂時事也能過關。近日CY屋企僭建，攪到HELLO KITTY都出埋，最低能就係有隻DREAM BEAR，簡值洗我FACEBOOK個版。唐唐當日因為僭建無得做特首，今日CY又如何？我實在興趣不大。

反之興趣較大的，因為是PURPLE姐姐的家居專訪，住在浴室裏實在太吊鬼，哈哈，真係有腦先唸得到。老實說，我從小就覺得工人一定係屋企的一份子，將心比己，你對人好人對你好，你恰人時總有一天會調轉。

MY LIFE STYLE

今日在一個EVENT上認識了一個新朋友, 讓我認識了http://www.my-lifestyle-news.com/, 這個wed site, 老實說, 若果只是平常的看, 我會以為是一個內容豐富的潮流網站而已。可是, 經過介紹, 我覺得網站的背後故事吸引我了, 一班志同道合的朋友, 一起創立一個有共同興趣的網站, 單單是表達意見, 與分享心得, 已經讓創立者得到滿足感.

看到內容是豐富的, 也足見報道者的用心, 並非透過新聞稿的剪貼而成, 希望可見的將來, 這個網站更加成功.

UNFORGETTABLE

因為很忙很忙所以沒有打BLOG很久了（籍口吧，因為近月迷上打機及看劇～～）

由澳洲女演員Poppy Montgomery作女主角的「UNFORGETTABLE」是我近日覺得最好睇的美劇，講述女主角Carrie Wells有過目不忘的本領，雖然說這是病態的一種，劇中叫這種病為hyperthymesia，但是如果能夠remember everything，對於日常生活有利多於害。

Carrie利用她的特殊本能幫助NYPD破案，無往而不利，因為就算佢一時忘記了都能夠番轉頭再唸一次，就能夠記得有咩人幾點鐘出現在CRIME SCENE，攪到我有時都會特別留意第一現場的環境，仲能夠破埋案TIM。

天下電影一大抄

近月我迷上煲戲同埋煲劇，剛剛看完了knowing及touch，前者是戲，後者是劇，我先看touch，發現這個劇種新得不得了，由自閉症的小朋友帶 出，有很多不同的數學sequence，老實說，曾經讀數的我，除了記得數學的名稱外，我機乎都還給老師了。例如片中讀及的1與1.67xxxx之間的無 限個循環等等，我記得想當年我都不知幾熟，今時今日忘記了。

言 歸正轉，touch是由有自閉症的小朋友發現了一系列的數字，就如secret code一樣，其實已經代表了不是大事發生的日子及時間，仿如先知，只要在對的時間找到對的人就可以改變事實，從而避免一些災難；而knowing中，同 樣以斐波那契数列為中心，只有部份小朋友才會明白數系所表達的資料，其實我明白點解兩個數系，但系要我解釋點先可以應用到係先知方面，我就唔係好明 了。。。

仲有兩套就是而家剛剛上畫的what to expect when you're expecting同埋三年前的一套戲labor pains，前者講我生仔既所有痛，包括難產、小產、孖胎，總知咩胎都有，講媽媽及爸爸面對新生命時的感覺；而labor pain都係差唔多既東東，睇下就知。

《浮城》

嚴浩的《浮城》非常好看！

難得一套無期待無理會劇情就去看的影片，但贊歎著離開。離場時聽到不少觀眾都拿桃姐與浮城比較，反之男朋友認為浮城較似歲月神偷的歷史背景濃濃。我認為浮城充滿桃姐的人情味與歲月神偷的香港歷史寫實。郭富城不停問的WHO AM I？正正是香港人97回歸前拿著BNO，出入境時卻被否定的英屬港人身份。可是郭富城說的沒有公司就沒有他，就正好代表了沒有港英政府的99年，就沒有現在的香港。

相信年輕香港人最大感受的，一定是郭富城由OFFICE BOY到大班都是由努力得來的，當然他付出的努力是有目共睹的，可是年輕人現在並不是努力就會有機會。無可否認，現在的年輕人太幸福了，小朋友有幾多是真正付出努力？社會的機會亦減少了，但我確信多勞多得，只要努力腳踏實地就會有回報了。

北上水云間按摩

今次北上試新場，近福田區的水云間，上人地個blog覺得好似幾好咁，結果呢？我唔夠膽話唔好，但又唔係真係舒服到暈囉，可能係因為我地今次去左睡眠區訓覺，咁睡眼區就好似太空倉咁，每人一格，怪怪的。

消費價格：

中式按摩雙鐘118元，優惠期送兩個大堂項目；

泰式按摩雙中138元，優惠期送兩個大堂項目；

中醫推拿雙鐘158元，優惠期送兩個大堂項目；

香熏日式雙鐘168元，優惠期送兩個大堂項目。

以上優惠除星期六早上八點至星期日晚上八點，其他時段均通行。

深圳市福田區福強路2121號

0755-82567715

從未試過如此想到北京上海

讀書年代到過北京上海旅行，上海還好，北京很悶。幾年前因為工作關係，經常往返北京上海濟南哈爾賓等內地城市，沒甚感覺，因為每次上飛機如坐巴士，總是24或36小時來回，很累，莫說沿途風光，連誰和我一起去也記不清。直到離開工作剛位後，替舊老闆跑了兩轉columbia 與濟南才有另一番感受，懂得享受過程，寫稿也輕鬆了。

2010世博在上海舉行，特別請假玩了幾天，世博沒感覺，返倒細心帶朋友到上海玩一遍自己懂去的地方，發現與10年前沒多變，只是價錢貴了，人多了，地方我還認得。田子坊近年走紅，其實10年前早已認識，內地一名畫家的畫廊就設於此，盡管名字已經忘了。

今年夏天與好友相約出遊，目的地北京上海及周邊城市，因為發現旅行團真的便宜，兩個五天團可能只是5000未計稅，是非常好的休息之旅。當然以此價錢已經可以到曼谷等東南亞地方，就是不願只忙於買買買。

Published with Blogger-droid v2.0.4

香港電影金象獎頒獎禮

今晚香港電影金象獎頒獎禮，結果與先前預計的相若，但我發現了幾個現象。

司儀方面：

我覺得曾志偉加曾寶儀當然不錯，非常稱職的司儀。鄭中基較想像中好一點，林家棟則怪怪的，baby就唔明白點解會出現係個台到，其實香港還有很多好的選擇，老一輩有鄧梓峰，近日的阿Bob也較他們好吧！但我最想不到的是baby太削了，沒甚睇頭。

頒獎嘉賓方面：

我不知道是因為我往年沒怎麼看，還是今年真的特別多普通話？今年頒獎嘉賓如高圓圓說的，我聽不懂；楊冪還好一點，如劉華與黃秋生這些嘉賓很難得，起碼我明白他說的笑話。

中港融和

香港與內地電影融和，可能是香港電影要在內地賣埠，所以在製作與演員上不多不少用上一些內地演員，有時候整套電影也變得是普通話版了。就如單身男女由古仔搭daniel加高圓圓，香港就沒有女生代替高圓圓嗎? 所以奪命金 桃姐 竊聽風雲 這些很地道的香港電影很難得。

老實說，香港人看戲，不是老馮都要像battleship一樣炸左個香港的特技，又不是要如建國大業般冇人明的內涵。港產片最引人入勝之處，就是導演編劇與香港人有共同語言，那怕是喜愛夜蒲，也是我們的生活。

雖然有時我都會問自己，你自己也講粗口，點解仲要入場睇余文樂講？志明與春嬌系列有小小故事，但更多寫實，奪命金，桃姐及歲月神偷這些，就正正是寫實片，香港人就是喜歡現實的香港。

Published with Blogger-droid v2.0.4

我病了

呢個星期禍不單行。星期一二冇出過街，星期三開始唔舒服，星期四去左做遊車河，曝曬一日之後，星期五辛苦到pk。

遊車河當日一早去元朗南生圍，哼哼，晒到顛左，之後去左元朗大馬路，然後係大棠荔枝山莊。之後我地去左屯門線，先三聖村，再去黃金海岸，沙灘，加商場，之後去左荃灣博物館。

之後還有很遠的山頂，港大等，很累。很頭痛，全身都軟了。

Published with Blogger-droid v2.0.4

電影 再看春嬌與志明

由於B小姐未睇春嬌與志明，今日陪佢睇多次，老實講，我真的笑多次，因為睇番好多上次miss左既笑位，對套戲亦有另一番感受。第一，腿張開是報答人家送電話方法之一；第二，發現余文樂與isabel做得好過楊千嬅；第三，如果係我，我不會要番志明，因為男人本性難移；第四，千嬅對wedge鞋著得太多次。

Published with Blogger-droid v2.0.4

電影 the man on the ledge

天際100分鐘，first comment bored，second comment too long.由於我近日睇緊castle，我以為有NYPD既戲都唔衰得去邊，結果，我錯了。成套戲最好睇係潛入夾萬偷鑽石o個part，有啲mission impossible同埋縱橫四海既影子，至於有人話個女主角好索，我就覺得見人見智啦。

Published with Blogger-droid v2.0.4

很愛這個朋友

放假前T先生說很久沒見，我還說兩星期而已，這幾天老想著下星期約飯局，怎知他離港兩星期，再見面要到五月了。很想念他呢。

怎麼說？T先生是一個很好的朋友，會關心會問候會幫忙，可能是他真的很好，也可能是我很易滿足，總知就是一個不是和我一起長大，但也很好的朋友。會喜歡他嗎?不是愛情那一種，從未如此肯定過。

有些人真的做不成朋友，就如C小姐，我覺得她很奇怪，她雖無過犯但也令我討厭，i really cant help myself。

Published with Blogger-droid v2.0.4

電視劇．modern family

近日睇到usa既處境喜劇modern family，真係笑到我貼地，不過內容好寫實，可能成套劇有好多小朋友，睇到好多美國既小朋友番學既情況，老實講，人地既讀書方式比我地好好多，就好似老師會出一個題目問點樣可以將一隻雞蛋由一樓掉落街而唔爛，令到兩個11歲既靚仔真係去唸點樣可以做到呢個咁science既project，令到兩個family既人都係到一齊唸。

個故仔圍繞三個家庭，每個family都有怪胎，好攪笑，dunphy family有三個小朋友，大女係典型既teenage，鍾意扮靚，鍾意拍拖，但讀書真係唔得；第二個女簡直係天才，讀書叻，但係個人就唔識social，又唔popular，直到middle school畢業後，佢就變得popular；細佬係第一個season蠢蠢地，去到第二個season就開始聰明，第三個season簡值就係perfect，可愛的devil。第二個family係一個老夫少妻既family，仲係一個和而不同的美國+哥倫比亞family；第三個family就係一對gay partners加一個在越南領養女家庭，三個家庭攪笑連連，笑到傻而不自知。

兩天一宿深圳廣州遊

話說今年復活節特別悶，因為工事繁忙唔得閒plan定有咩玩，最重要係b小姐個美國business trip prospone左，所以我地又黎個兩日一夜北上遊。

星期六我地11點幾就去深圳，大約1點到就番到去，特別搭的士去食向西村既毛家菜，其實之前L太都帶過我去，仲帶埋我去金富來按摩，今次我特別帶b小姐去試一試。

b小姐點得好清，有青瓜18，山水豆腐29，四季豆窩28，田雞56，最好食係四季豆，野味又爽口，最唔得係田雞，啲肉林到不得了，其他so far so good。佢個飯都好得意，細細碗但好鬼實，唔好以為唔夠食。但就一啲都唔貴，埋單人仔168。

食飽飽之後我地番到羅湖搭和諧號北上，為左慳番二十分鐘，我地搭一等車，每人一百蚊，但都等左差唔多半個鍾先上車，大約四點半就到廣州。

家人有屋係廣州，所以唔洗比錢租酒店，但我自己都住過，如果要靚既，可租廣州ascott服務式住宅，超級靚。如果要平既可以住迎賓館，前者在天河區，鄰近太古匯，最近石牌站，後者在中山五路，近公園前站，兩間都ok。

有地方落腳就梗係要搵野玩，由於表哥p ，表弟w都有車有錢有樓有女，還有本小姐剛生日，兩位brother點都要請我玩，管接管送，表哥P先車我地去食乳甲，會合埋表弟w同女友，一行六個人開飯，呢到冇車真係黎唔到，或者的士都可以，叫做味甲天下，大約係芳村站同坑口站附近。

味甲天下既環境有啲似沙田龍華，最出名既係藥饍乳鴿，話說句slogan叫男人的加油站，女人既美容站，佢有冇藥用我唔知，但就一定補到痴線，因為啲中藥味十足十全大補湯。之後就叫左6隻燒乳鴿，呢到啲乳鴿係好食既。我地仲叫左魚，本來表哥問我既時候，我以為是蒸海魚，怎麼是一整條的鯇魚，雖然是游水的，不太好吃，因為很腥，但肉很嫩。

食飽之後我地去左沙面既lucy, 沙面好靚，係以前既使館區，環境一流，建築物都不知幾英式，古典又有味道，而家做左婚紗公司，酒店，又或者食肆酒吧咁，早上超級多人黎影結婚相，我地去呢間lucy最出名係凍檸茶，我就叫左vigin pina colada, so far so good啦。

之後我就去左金怡足道，我幫襯左10年啦，由海珠橋底細細間去到而家三家分店，超級靚呢。今次去左寶剛分店，大廳已經很不錯，如果入房就要留意係68，78，88邊隻房，信我，68蚊房已經很好，每節75分鐘，手勢價錢環境都不錯。

金怡足道(宝岗大道店)

海珠区宝岗大道110号南华西大厦5楼(海珠区委对面)

8620-34268138

Published with Blogger-droid v2.0.4

terraferma 那些年我們一起追逐金錢

我第一次看香港電影節既戲，因為w先生多了一張戲飛，又因為他認為我也喜歡錢，所以叫我這個滿身銅臭既人一齊去因賞這套電影。在我們心中，理應是意大利版的inside job，還在擔心沒有中文字幕會跟不上時，原來我們白擔心了，這套戲應該是利用戲名呃晒鍾意錢既觀眾入場睇人道片。

講述意大利小島人民靠漁獲為生，又或者大攪遊客生意，有點象長洲的渡假屋，巴堤雅的海灘，可是有大量黑人偷渡，到底救還是不救？主角一家救起其中幾個人，當中還有一個孕婦，背景可憐，替她接生後還得把她送走。可是因此被查封出海漁船，冇以為生，到底人道與法治中如何取捨？

from維基

Terraferma (English: Dry Land) is a 2011 Italian drama film directed by Emanuele Crialese. The film premiered at the 68th Venice International Film Festival. The film was selected as the Italian entry for the Best Foreign Language Film at the 84th Academy Awards, [1][2] but it did not make the final

Published with Blogger-droid v2.0.4

又一隻戒指

上次經過這間在灣仔的飾物小舖Orient senses，瘋狂愛上了，試了全店的戒指後，最愛還是這隻。

由於皮膚敏感，所以好慘咁只可以帶純金屬既飾物，這隻銀戒指還coat左一層好似磨沙既防氧化物料，我真係好鍾意，但多謝790，都幾貴的！

Published with Blogger-droid v2.0.4

香港遊．大澳

由於全香港各大雜誌都舖天蓋地咁介紹大澳由警署改建既酒店，原本唸住工作因利成便去玩下，點知原來東涌個outlet開始已經係私家車既禁區，要改 住公共交通工具，咁就即刻唔洗唸啦。結果我地星期日係銅鑼灣食過lunch，就搭左E11入去東涌，要係入左東涌第二個站，即係東堤灣畔落車，之後行過對 面馬路，沿住東涌泳池對面行，咁好快就會見到東薈城（outlet），然後行過去大嶼山巴士站，就會見到11號巴士，比19.2兼搭30分鐘到，就可以去到大澳啦。

去到酒店但係入唔到，因為太遲了，大家要早啲到。而間餐廳超多人食野飲野，我地都係入唔到去的。

18蚊就買到一樽手信

入到大澳，最大發現就係好多人，真係堅多人，由於我地入到去都3點幾，已經有好多人走，我地發現排隊走既人都好多；之後我地沿左埋漁肚嗰條街，唸住入酒店睇下，發現條街係迫到冇朋友既，之後有好多用碳爐燒野食既舖頭，想食都有排你等，所以都係算啦，唔食啦。沿路就剩係買左包蝦片同埋飲左紫貝山癸。

http://www.taioheritagehotel.com/tch/abthotel/abthotel.jsp

東涌東薈城outlet

東涌東薈城

未講去到大澳，就梗係要講下東薈城，雖然我一年都入唔到去一次，但係入親去都買到野，今次去到第一時間入左I.T OUTLET，睇仲左對Addidas Originals，抵就好抵有半價都係$350，但係得番最後一對就冇買到，後來發現原來10樓仲有個sale場，上到去發現原來有Catalog、Hunters，後來我就係Catalog買左一對native同埋Addidas Originals，埋單814，因為買兩對有extra 8 折，native對鞋原價780，佢變左599，之後8折就唔洗500，都抵買，春天都唔知著咩好，買對呢啲便鞋比較易襯。原本仲想買多對native既水鞋，但係著得唔舒服；如果係hunter就好舒服，可惜得番銀色，都唔知點著，結果我都係買左兩對就算。

2012 第二季投資攻略 麥樸思