致青春‧老撾行

上回講到係曼谷轉機，2016年7月19日正式上機去老撾，我地今站既目的地係首到Vientiane先，係bkk大概一粒鐘多d就到了。去到永珍機場（應該叫wattay international airport），好明顯就梗係無咩特別啦，9秒9就沖去搵車塔出市區，上網搵料既時候，講到要講價等等，但應該而家進步左，standard 7usd就出到去市區個巴士站，因為我地無時間，要直接去車站塔三四個鐘車去萬榮（Vang Vieng），所以都無謂久留，過左下午2點就會越來越少車，早走早著。

 出市區前我地有係機場唱老撾幣，單位係kip，全部面值都大，但價值好少，1usd係8000kip咁上下。但我都有提醒自已唔好唱得多，因為出左老撾就變癈紙。去到市區之後，好快就搵到so call車站，其實都唔係，只係有兩個男人係到收錢，貴就唔貴，由永珍去萬榮係80000kip一個人，即係10蚊美金，如果包車就72蚊美金，講真，如果我2點後先落機，要包車既機會好大。無論我上網睇定係機場問人，都係話3個鐘就到，結果因為司機等下客，攪攪下攪左四個幾鐘出黎，我租嗰個wifi又唔係快，幾乎成程都唔係好上到網，都唔知自己係邊，不過出黎行，都係要講個信字。不過老老實實，沿途風景都算唔錯！

經過左四個鐘，我地終於都到左萬榮，亦都是係個TRIP既重點所在，今次住既係Resort Vang Vieng Riverside，其實間野都幾好，成間resort咁既樣，但當然我就見唔到條河，不過間屋細到pk，anyway，因為活動都幾多，所以都可以啦！

致青春‧老撾行

呢兩年看韓國綜藝，好多都好好睇，其中最愛花漾青春系列，最能夠吸引我係老撾篇，因為呢個地方聽都未聽過，睇落好NATURAL，好DOWN TO EARTH。然後搵到朋友T一齊係暑假出發，因為一啲突發事件，DELAY出發又要再買過機票同酒店，都幾貴，但由於去老撾三個城市要穿州過省，為左避免 走回頭路，真係做左好多功課。我唸好少香港人去老撾，所以我搵到既資料唔多，中英文都睇晒，都係剛剛夠用，如果我識韓文就好好多，因為成個老撾都係韓國人，都係要多謝花漾青春。

7N6D ROUTE：

HKG----BKK----VIENTIANE(CAPITAL OF LAOS)----VANG VIENG(LAOS)----LUANG PRABANG(LAOS)----BKK----HKG

250hkd簽證

香港護照（BNO及特區）去老撾，可以係香港拎VISA，250HKD，由泰國入境，亦可以做落地簽證，但如果唔想同人迫，係香港拎左好啲，但其實我眼見，落地亦都唔係慢，因為去老撾既飛機都好細，又唔密，一部機100人，你頂多都係等1粒鐘，價錢應該係3X美金。

香港老撾無直航

香港去老撾無直航，可以係越南中國塔車去，咁當然都應該十幾廿個鐘，本人都年紀唔細，無謂搵命博，乖乖塔飛機為上策。由於出發前一日先再買機票，單程去泰國最平係SRI LANKAN AIRLINE，出奇地舒服，老老實實，感覺好過國泰；由BKK去老撾永珍VIENTIANE，買左LAOS AIRLINE單程，去到BKK機場，地勤同事話，IT’S REALLY A SMALL FLIGHT, NOT AIR BUS！OK！fine！但2-2機我都係第一次坐，全程都低飛，可以睇到泰國同laos甚至其他國家既landscape，不錯既經驗！

第一次city line

由於臨時變陣，我地到達bkk既第一晚去左四面佛還神之後，係街邊食埋飯，就番去新機場Suvarnabhumi Airport附近既酒店。從小係曼谷遊走，今次竟然係我第一次塔city line去市區，其實極方便，45匹去到Phaya Thai，轉bts後25匹就去到chit lom，即係四面佛嗰到，一人70匹，兩個人140匹，塔的士就大約400匹，講真400匹對我地唔係啲咩錢，但地鐡都唔錯，不過有大喼，我都係建議搭的士。

機場酒店so far so good

因為第二朝早機九點去永珍，所以住係機場15分鐘車程既Vismaya Suvarnabhumi酒店，or 應該叫motel，唔貴，around 1600匹，不過好多蚊，因為係郊區，訓幾粒鍾係無問題既！最好book埋接送，每個小時準點00會有車接。

NEW START

近月好忙好忙, 不知道忙甚麼, 總知就是忙, 可能是希望START A NEW BUSINESS, 所以好忙, 有興趣大家都可以黎睇下https://www.facebook.com/groups/shoppinggirl2014/

new zealand 天然baby soap (ecoshop)

New Zealand 係一個環保兼著重健康的地方，最多是羊，羊奶就更多。其實羊乳除左可以減低皮膚既油份流失之外，仲可以保持皮膚白淨細膩。其實最大的作用就係防治濕疹，減低bb痕。

紐西蘭天然潔膚肥皂

食物是維持身體健康最重要的元素，在intake食物的同時，亦可以利用不同食物所製造的健康護膚產品，達至保護皮膚的作用。眾所周知，不少身體護理產品 中使用許多化學物質會刺激皮膚，亦有可能令天然的皮膚油層被洗去，導致濕疹或其他皮膚發炎的情況。

健康的產品標籤上列出所有成分，這是來自new zealand的 天然肥皂，價錢亦相宜，可以一試。 當中包括Lemongrass、Grapefruit Soap、Coconut Soap、Manuka Honey& Kelp、Vanilla、Goat's Milk多種不同的味道。由於朋友試過 濕疹也好像沒有太過嚴重，所以我決定一試，其實我從不買過貴的潔膚產品，由於在面上都只係一分鐘，買一千幾百太過份，這個才60元，價格很ok。

Matsuichiya

之前無意中發現近禮頓道有間新的日本拉面店開左，由於係新店，暫時都無咩人去，所以決定早早試左先。其實銅鑼灣近年都多左好多拉面店，不要說近時代那邊sharp street的「魂」或者一蘭拉面，這些早早出了名的，還有一家近excelsior的別天神，人家試業時我不去食，現在天天排隊，我亦沒心機去試，所以以後有新食店，都要早早試。

這家位於Bentley對面近利園的拉面店叫Matsuichiya，店內裝潢非常唔似日本拉面店，anyway乾淨企理咁啦，但我真係估唔到碗面咁好食，要知道我一直覺得日本拉面好油，我好多時食完都會唔舒服，所以真係唔係特別好，去都日本都只係小試小試。

我今次order左醬油义燒拉面，110蚊一碗，我幾肯定無味精，因為我晚上唔洗狂飲水，入口好好味，但d面有d硬，大家下次可選軟身的面。

煮‧香菇粥

Dobby對食好麻煩，我煮左成年佢都無講話有d咩特別好食，只係有得食就食咁，但呢個星期佢竟然話我煲既香菇粥好好味，清清地又夠味，好矛盾，哈哈，其實我唔係第一次煲，但佢話佢係第一次食，比佢激死。

anyway，煲粥係星期日早上非常好既早餐，因為唔洗落街又有野食，然而因為我家不吃白米飯，通常都係幾包有顏色既米混埋一齊，至於點解同點混，我一d idea都無，因為對於Dobby黎講，只要d飯唔係白色就係最健康的。所以我要特別買一包白米，今次我係買左金田禾珍珠米，佢有分日本同台灣的，我自己就無所謂，但我覺得佢應該係貴d既，約1.5kg30蚊吧，但佢既好處係有貼貼包裝，因為我唔係成日食，每次煲粥都係用150g到，所以有貼比較好。

有人話要浸米，可以煲快d，我自己話過浸同唔浸，其實對於我係用le creuset  22cm round 煲粥的，分別不大，也是因為我最大就只有22cm round，d粥水次次都噴出黎，我希望好快買個大d既26cm黎煲粥。題外話，22cm round煲湯就算滿滿都沒有問題的。

其實我未買le creuset之前，都有用其他煲煲粥，其實都是可以的，但用le creuset就可以用慢火不多於1小時煲好，不锈鋼煲就keep住大火，才能於1個小時內煲好。

材料：3隻大菇
150ml白米

煮法：
前一晚浸菇（每次菇所需時間不同的，我而家呢隻2個鐘就軟晒，但我為求星期日一起身就有得煮，我都係早一晚浸的）
浸菇水倒入量杯，通常我有250至300ml，將500ml減，其餘ml數加清雞湯
再加1000ml清水
我既菇切粒後是同白米一齊煮的，因為我希望成煲粥既菇味重d，都有人會等白粥煲好後才加菇。
我開始煲既時候係唔會加蓋的，因為我會用電磁爐7度火開始（最大9），約10分鐘滾後就會用5度煲5mins，然後就會用最小（1度煲25mins）
之後打開就會發現米已經爛了，但水和米仍然是分開的
我從鬼嫁blog學識要攪，
我再調到5度火攪10mins
然後基本上都食得了，
如果加埋其他如炒面嗰d，呢個時候就可以焗住d粥去煮其他，
轉頭一齊開蓋就行了。

煮．梅菜肉餅

梅菜肉餅係細個嗰陣屋企仲有人煮飯既時候成日會食到既餸，我小時候甚少入廚房，但有梅菜肉餅嗰日一定係有好嘈既刀刴聲，經過既時候會見到d肉上面有好多糖，這就是我對梅菜肉餅唯一既印象。

所以當我煮這個餸既時候，我知道要用刀去刴碎肉同埋混合d梅菜，並唔係用攪拌機或者買肉碎，但我呢d煮食新手同埋懶人，又邊識得走去刴肉餅呢，我驚我連隻手指都ko埋，所以我用最最最懶既方法，就係用較剪去剪碎d梅菜，同埋碎肉，但我唯一有做的步驟就係用一個大盤，不停咁攪，攪到佢起膠，我希望咁樣好食一d。

梅菜要洗得好乾淨，因為同菜乾一樣好多好多沙

材料：
兩扎梅菜
2盒碎豬肉（每盒約12元）
先用salt，醬油，糖，粟粉醃肉，記得加小小水
1個鐘之後，混入梅菜，係個大盆到係咁攪，再加糖
然後放入22cm buffet，加20ml水，大火3分鐘至出煙，細火8分鐘，熄火焗2分鐘，食得

煮‧蔥油餅

我好鍾意食蔥油餅，我發現超市有不同的蔥油餅賣，回家只要用超小火慢煎兩邊，每面約5mins，就食得，中間可以夾cheese，可以加蛋，加甚麼都非常好吃又飽肚

九龍城陳記

我好鍾意打邊爐，出街或者係屋企都好鍾意，話說有次行過九龍城街市買料打邊邊，見有人排隊，平時我就即走行開，但嗰日我竟然師奶上身，叫b小姐排住先，再自己行去睇下呢檔賣咩，原來賣手打丸，個名叫陳記，我唔知佢出唔出名，但見幾新鮮就買埋一份，結果都排左幾個字，買左幾隻手打丸同埋d滑咁，都幾貴架, 加埋都200蚊，但真係好好味都好新鮮，唔怪得前前後後既客人都大手買入，個個都拿住張500蚊架。

地址就係九龍城街市地下既陳記啦

打邊燼我一定要自己煲湯做湯底，清雞湯唔係我杯茶；第二我唔再食四洲既急凍丸，如果有時間，都係去街市買d新鮮料，自己又食得開心，成班食客都高興

煮‧陳皮紅豆沙 LE CREUSET 22CM ROUND

我尋晚睇完GIGI姐既吾淑吾食，睇到佢煲紅豆沙好似好容易，即時老點一齊睇緊電視既DOBBY落百佳買紅豆，佢轉個身就落左去，我用9秒9浸了三片陳皮（實在太多，下次用一片好了）；然後再9秒9的上網看看怎樣煲，一看就打住了，原來要浸12個鐘？但我又記得早上煲粥的時候，我也沒浸米呀，同埋我有偉大的LE CREUSET呢，應該可以頂得住吧。

我用煲粥的方法，即時用一碗紅豆（一個米量杯）加上10倍的水，如果家沒有量杯，就用一隻碗盛一碗紅豆，加10碗水煲，我就是甚麼都一齊倒入個LE CREUSET 22CM ROUND煲的，然後開大火等水滾，我是有不少攪攪的，因為我好怕痴底，10分鐘後轉中火，然後自己試下到底係中火定細火個煲唔噴水出黎，就隔一陣即係10幾分鐘再入去攪下佢，煲左45分鐘後，我有熄火然後用一個勺壓爛D紅豆，我覺得咁樣會快一D，係，我覺得；然後焗左30分鐘後，再煲45分鐘，用左LE CREUSET一段時間，無輪煲咩都好，我覺得焗真係好重要的，因為只有焗過的食物才會出味。

就這様接近11點，加埋幾粒冰糖就可以了，我就煲好了生平第一窩紅豆沙了，起沙唔起沙我都唔係好識，DOBBY話OK就可以了。其實我本人不愛甜吃，我做的甜吃都是給人吃的多。

煮‧蒸沙薑雞翼 LC 22CM BUFFET

我會煮沙薑雞翼，又係在PLANNING以外的，話說我買錯了雞全翼，同時又貪得意買了李錦記的沙薑醬一包，加上LC 22CM BUFFET的無水蒸方法，所以就成了這個餸。

我用了5隻雞全翼，全解凍後，一開三，其實好簡單，用廚剪剪開皮同肉，然後一扭，個骨較位就會斷，用李錦記的沙薑醬醃三個鐘，我有在 BUFFET加上娃娃菜，後來我覺得唔加都可以，因為雞肉會出水，我蒸完好似水浸咁，但當然D菜好油但好好味。

以中火蒸3分鐘後轉細火蒸10分鐘，我上網睇大家只蒸10分鐘，但我真係好怕D肉唔熟，所以蒸多3分鐘，再焗5分鐘，咁就食得，方便又好味。

煮‧粟米魚柳

粟米魚柳是一個大人小朋友都愛的餸，但繼上次炸完咕嚕肉KO左我一個勺後，我決定等我休息一下才炸物。今次想到煮粟米魚柳，是因為我上星期三行左一轉AEON，佢地有每周三減價，今次其中一個ITEM就係魚柳，原價每條15蚊的，賣10蚊，我以為自己執到寶就買左。原來其實大昌行賣魚柳都只係17.9有兩條，非常抵食，但係咩魚我就無留意了。

材料：
魚柳兩條（切塊）用SALT、麻油、雞粉、一隻蛋王醃一醃
準備一罐CREAM CORN STYLE
然後用多D油半煎炸的處理魚塊，每邊3分鐘已經熟了
先盛起備用
 再煮CREAM CORN，加50ML水，然後調味，煮熱後舖上面就可以了，非常方便

煮‧土豆絲

我第一次食土豆絲是毛小姐煮的，毛小姐是湖南人，很吃得SPICY，有次大食會她準備了土豆絲，其實土豆絲是薯仔，是我的最愛，堂時即時問毛小姐點煮，結果拖左三年，哈哈，終於係我家廚房教了我。

但要煮土豆絲要非常有耐性，我見毛小姐切3個薯仔要切左大半個鐘，首先要切片，片的意思是能透光的薄，然後再切絲，比牙纖粗小小，哈哈，還要用水浸著。

毛小姐吩咐我去買5蚊豬肉，然後番黎切絲，她說是令土豆炒起上來更香，結果在超市買不到5蚊豬肉，買了約10蚊一盒的，她說太多了，但我照用，叫我切絲我切了片，太難了。

其實切就非常考工夫，煮起上來很容易。

材料：
3隻薯仔（切絲）用水浸著
5蚊豬肉（切絲）用生粉、醬油醃一醃
數隻紅椒（切絲）或剪粒

煮
先炒香豬肉絲（3分鐘）
再落薯仔絲（5分鐘）加紅椒絲及1湯匙醬油再炒5分鐘
就攪掂。

惹味又好下飯呢，亦可以加三色椒一起炒，下次會試一試的。

煮‧洋蔥牛仔骨

小時候出街食飯，牛仔骨是必點的，是弟弟的最愛，回家媽也煮，但不知從甚麼時候開始，已經很小吃。早兩個月老豆經過我屋企，買左FIRST CHOICE的一盒牛仔骨上來，帶一個紙盒的，非常阻住個雪櫃的位，上星期五，想不到食甚麼，我打開雪櫃找一找，竟然就比我發現佢，還突然想起了買錯的一樽醃肉汁，這樣就做了這個洋蔥牛仔骨。

材料：
牛仔骨一盒
洋蔥一個
可樂一罐
醃肉汁半支

煮法：
將急凍牛仔骨解凍，一條骨開三塊
用刀背細細力打下塊肉
然後用可樂浸下，我上網睇話可以令到塊肉鬆D，我唔知真係有無用，但我還是做了，因為我有大量可樂。
然後用上圖的醃肉汁醃1小時或30MINS
炒香洋蔥，5MINS
然後推到獲邊，中間煎肉，用小火好了，每邊3分鐘
煎好後再連洋蔥一起炒，再加一點醃肉汁
攪掂。

其實這個方法是非常好味的，但首先大家要愛這種醃肉汁，這隻醃肉汁我在AEON買約20蚊有找，其實阿信屋都有另一隻，但我未試過，大家可以一試。

原來我很愛煮_LE CREUSET

剛過去的星期五、六、日我都有煮飯，因為星期五拿了半天假，原本去買餸煮羊腩煲，結果沒有羊腩賣，就決定回家才想想買甚麼。由2013年開始，我斷斷續續的都有煮飯，主要是搬出來住，新居的廚房與全屋比例不成正比，大到有點驚人（我覺得），有可能與我的房間差不多大小。獨居，時間多，朋友多，派對多，我家每個周六都有朋友來食飯，聖誕新年更加多，我好客，所以不停睇食譜，由抄人家到自己加加改改，總知就不斷不斷煮，有失敗的有成功的有合格的更加有唔熟的，但朋友都愛來愛食，我就會不停煮，煮得多自然會有所改善。

自從去年11月買了第一個le creuset後，雖然不是喪買，但連埋朋友送的都有4個了，我唔敢敢講le creuset是唯一好用的鍋子，佢痴底的可能性的確很高，因為我沒有買黑裡的，所以煎炒我還是用易潔獲的，但在冬天裏，le creuset的好處是保溫，這個非常重要，我家的電磁爐只有兩個爐頭，要煮好全部熱熱的上桌，幾乎是沒有可能，但有了le creuset，就變成了有可能。

之前炒糯米飯，我都只是用易潔獲炒，但一炒好就放入le creuset鍋中裏上桌，只要不開蓋，可以保温起碼半小時，我可以煮其他的餸了，當然大家會話可以買保温版等等不同的方法，但so far，我而家覺得le creuset煲子還是很好用的。

我的煲子有20cm花花，心理作用覺得這個是最難洗的；22cm round 這個是最好用的，若果是小人食飯，我會用來煲湯、煲仔飯、炆餸、煲粥、煲糖水，非常好用；還有22cmBUFFET，這個用來蒸任何東西都很好用，簡單的煎食物我都會用它；最後是16cm round，這個機乎是公仔面專用，其他用途還有待發掘，呀，還用來做了一次鎮江排骨。

我一直都想繼續加添新成員，見hsbc有得換26cm，正在想就下架，再上架時已經加價，又在想想想，26cm可以煲湯，only 煲湯，所以我真的只是想還是想，當然有朋友送的話，我是不介意收的！哈哈！第二個想要的是24CM 日本版risotto，原意是我希望做鍋物如泡菜煲時，大家容易D夾食物，但大家都說不需要，所以在日本OUTLET見到18XXXYEN時，我還是心大心細，最後更是空手而回。我對顏色不執著，所以沒有用太多的錢去買PINK SATIN BLUE等COLOR， 若果有一天遇上了合理價錢，我還是會考慮的。